సంగారెడ్డి కాంగ్రెస్ ఎమ్మెల్యే జగ్గారెడ్డి కీలక వ్యాఖ్యలు చేశారు. వచ్చే పదేళ్లలో తెలంగాణకు సీఎం అవుతానని చెప్పారు. విజయదశమి ఉత్సవాల్లో భాగంగా సంగారెడ్డిలో నిర్వహించిన వేడుకల్లో ఆయన పాల్గొన్నారు. ఈసందర్భంగా ఈ కామెంట్స్ చేశారు.
విజయదశమి సందర్భంగా తన మనసులో మాట చెబుతున్నానని జగ్గారెడ్డి అన్నారు. సంగారెడ్డి అంటే జగ్గారెడ్డి.. జగ్గారెడ్డి అంటే సంగారెడ్డి అని.. దీన్ని ఎవరైనా కాదనగలరా అని ఆయన ప్రశ్నించారు .
ఎన్నికల కోడ్ అమల్లో ఉండటం వలన తాను మరిన్ని విషయాలను పంచుకునేవాడినని అన్నారు.తాను ఇచ్చిన మాటకు కట్టుబడి ఉండే వ్యక్తినని చెప్పారు. కార్యకర్తలకు ఎలాంటి కష్టం వచ్చినా వెంటనే అక్కడ వాలిపోతానని జగ్గారెడ్డి తెలిపారు. ప్రజల ఆశీర్వాదం ఎప్పుడూ తనపై ఉండాలన్నారు.
