నిర్మల్, వెలుగు: నటి, డీజే టిల్లు ఫేమ్ నేహా శెట్టి సోమవారం నిర్మల్ లో సందడి చేశారు. స్థానిక ఆర్టీసీ డిపో పక్కన నూతనంగా ఏర్పాటైన ఎల్వీఆర్ షాపింగ్ మాల్ ప్రారంభ వేడుకల్లో పాల్గొన్నారు. ఎమ్మెల్యే మహేశ్వర్ రెడ్డి చీఫ్ గెస్ట్గా హాజరై మాల్ను ప్రారంభించారు. కార్యక్రమానికి నేహా శెట్టి వస్తుందన్న సమాచారంతో ఉదయం నుంచే అభిమానులు, స్థానికులు పెద్ద సంఖ్యలో తరలివచ్చారు.
దీంతో ఆ ప్రాంతమంతా రద్దీగా మారిపోయింది. నటితో సెల్ఫీలు దిగేందుకు జనం పోటీపడ్డారు. షాపింగ్ మాల్ ప్రారంభం అనంతరం అభిమానులతో ఆమె సందడి చేశారు. తాను ఇంతటి అభిమానం పొందుతానని అనుకోలేదని, నిర్మల్లో అభిమానులు చూపిన ఈ ఆదరణ తనకు ఎల్లప్పుడూ గుర్తుండిపోతుందన్నారు.
Also Read : ప్రాణహాని ఉందని వైఎస్ సునీత ఫిర్యాదు.. FIR నమోదు చేసిన పోలీసులు
