ఏ ప్రదేశంలో ఉన్నా మనసును హత్తుకునే పాటలు వినాలనిపిస్తే స్పాటిఫై ఆన్ చేస్తుంటారు చాలామంది. ఈ యాప్లో అనేక రకాల పాటలు, వివిధ భాషల్లో అందుబాటులో ఉన్నాయి. భాష తెలియకపోయినా వినాలనిపిస్తుంటాయి కొన్ని సాంగ్స్. అయితే, కొన్నిసార్లు ఆ సాంగ్స్ మన భాషలో లేకపోయినా దాని భావం తెలిస్తే బాగుండు అనిపిస్తుంది. అందుకే స్పాటిఫై లిరిక్స్ కార్డ్ మీద ట్రాన్స్లేటర్ ఫీచర్ తీసుకొచ్చింది. ఈ సింబల్పై ట్యాప్ చేస్తే పాట కింద టెక్స్ట్ ట్రాన్స్లేట్ అయి కనిపిస్తుంది.
డివైజ్ లాంగ్వేజ్ సెట్టింగ్స్ను బట్టి అనువాదం ఆధారపడి ఉంటుంది. అంతేకాదు.. ఆఫ్లైన్ లిరిక్స్ సపోర్ట్నూ అందిస్తోంది స్పాటిఫై. యూజర్లు ఆఫ్లైన్లో పాట వినడానికి డౌన్లోడ్ చేసుకున్నప్పుడు లిరిక్స్ కూడా సేవ్ అవుతాయి. ట్రావెలింగ్లో, ఇంటర్నెట్ సర్వీస్లు లేని చోట్ల ఇది బాగా పనికొస్తుంది.
►ALSO READ | ఇది తెలుసా: ఐఫోన్ లో ఫొటోలను వీడియోలుగా..
నౌ ప్లేయింగ్ వ్యూలో లిరిక్ ప్రివ్యూల కోసం కొత్త డిజైన్ను తీసుకొచ్చింది. ఆల్బమ్ ఆర్ట్ వర్క్ లేదా కాన్వాస్ క్లిప్స్ కింద లిరిక్స్ నౌ అని కనిపిస్తుంది. దీంతో పాట వింటున్నప్పుడు అవే లిరిక్స్ చూడడం ఈజీ అవుతుంది.
