ఐఫోన్, ఐప్యాడ్లలో ఫొటోలను లైవ్ ఫొటోల్లా మార్చొచ్చు. అంటే చిన్నపాటి వీడియోలా అన్నమాట. అదెలాగంటే.. మొదట ఫొటోస్ యాప్లో కలెక్షన్స్ సింబల్ మీద ట్యాప్ చేయాలి. కిందికి స్క్రోల్ చేసి మెడిటైప్లోకి వెళ్లాలి. ఇందులో లైవ్ ఫొటోస్ మీద ట్యాప్ చేస్తే ఫొటో లైబ్రరీలో స్టోర్ అయిన అన్ని లైవ్ ఫొటోస్ కనిపిస్తాయి. పైన కుడివైపు ఉన్న ఆప్షన్స్ ట్యాప్ చేసి వీడియోలో ఏ ఫొటోలు ఉండాలో వాటిని సెలెక్ట్ చేయాలి.
ఎంచుకున్న ఫొటోల మీద చెక్ మార్క్ కనిపిస్తుంది. తర్వాత కుడివైపు పైన మూడు చుక్కల బటన్ను సెలెక్ట్ చేస్తే ఒక మెనూ పాపప్ అవుతుంది. అందులో సేవ్ యాజ్ వీడియోను ఎంచుకోవాలి. అప్పుడు ఎంచుకున్న లైవ్ ఫొటోస్ అన్నీ ఒకే వీడియో ఫైల్గా కలిసిపోతాయి. క్రియేట్ చేసుకున్న వీడియోను ఎడిట్ చేసి షేర్ చేయొచ్చు. అవసరమైతే ఎక్స్పోర్ట్ కూడా చేయొచ్చు.
►ALSO READ | గోట్తో.. హెల్దీ లైఫ్! తనపై తానే ప్రయోగం చేసుకుని.. పెద్ద కంపెనీనే పెట్టేశాడు
