ఆన్ లైన్ లో అమ్మకానికి లవ్ అగ్రిమెంట్.. ధరెంతంటే..

వెరీ వెరీ టూమచ్ అనుకోవచ్చు.. ఇది పచ్చి నిజం.. లవ్ అగ్రిమెంట్.. మొదట ఏడు తరాలు చూసి పెళ్లిళ్లు చేసుకునే వారు.. ఆ తర్వాత తల్లిదండ్రులు చూపించినోళ్లను చేసుకునే వారు.. ఆ తర్వాత లవ్ మ్యారేజ్.. ఆ తర్వాత మతాంతర, కులాంతర పెళ్లిళ్లు.. మొన్నటి వరకు ఆన్ లైన్ పెళ్లి సంబంధాలు.. నిన్నటి వరకు లివింగ్ టూగెదర్.. ఇప్పుడు లవ్ అగ్రిమెంట్స్.. కాలం కంటే అత్యంత వేగంగా మారుతున్న అభిప్రాయాలు, ఆలోచనలకు పరాకాష్ఠ ఈ లవ్ అగ్రిమెంట్. ఇది ఇప్పుడు ఆన్ లైన్ లో అమ్మకానికి ఉంది. డిస్కౌంట్ పై కేవలం 62 రూపాయలకే ఈ అగ్రిమెంట్ లభిస్తుంది.. ఇంతకీ ఈ లవ్ అగ్రిమెంట్ లో ఏముందో తెలుసుకుందామా..

ఈ కింది నియమాలకు కట్టుబడి ఉంటాను అనే క్యాప్షన్ తో ఈ అగ్రిమెంట్ ప్రారంభమవుతుంది:

జీవితాతం నీ పట్ల నిజాయితీగా, విశ్వాసపాత్రుడిగా, ప్రేమగల భాగస్వామిగా ఉంటాను.
నీకు అద్భుతమైన, సాహసోపేత ప్రేమికుడిగా ఉంటాను.
చీకటిలో నీకు మార్గనిర్దేశం చేసే వెలుగుగా, చలిలో ఓదార్పునిచ్చే వెచ్చదనంగా, నీ జీవితంలో ఎదుర్కొనే సవాళ్లను అధిగమించేందుకు తోడుగా.. ఎప్పుడూ మీ వెంట ఉంటాను.
జీవితంలో ఎన్ని అడ్డంకులు, సవాళ్లు వచ్చినా.. ఎక్కడున్నా, ఎటువంటి సందర్భంలోనైనా నీతో కలిసే నడుస్తాను.
నీ చుట్టూ నా కలలను నిర్మించడానికి, వాటిని నిజం చేయడానికి ప్రయత్నిస్తాను.
నీవేమైనా పొరపాట్లు చేస్తే భుజం తట్టి ముందుకెళతాను. ప్రతిరోజూ నీతో ప్రేమలో పడతాను.
నీతో హృదయపూర్వకంగా ఉంటాను. నిన్ను ఎంత ప్రేమిస్తున్నానో మాటల్లో చెప్పలేను.
నీతో, నీ కోసం, ఎల్లప్పుడూ ఉంటాను.
నా జీవితాంతం ఈ నిబంధనలు, షరతులకు కట్టుబడి ఉంటానని ఈ సందర్భంగా అంగీకరిస్తున్నాను.

ALSO READ | లక్ష్మీదేవి .. విష్ణుమూర్తి పాదాల దగ్గరే ఎందుకు నివసిస్తుందో తెలుసా..

వీటితో పాటు అగ్రిమెంట్ కింది భాగంలో ఓ వైపు ఒకరి సంతకం, మరొక వైపు మరొకరి సంతకం చేసేలా రూపొందించారు. ఇవే కాదు ఇదే తరహాలో పలు ఈ కామర్స్ వెబ్ సైట్లలో లవ్ అగ్రిమెంట్ల పేరుతో భిన్న ధరలలో లభిస్తున్నాయి. మరో 10రోజుల తర్వాత వాలెంటైన్ వీక్ స్టార్ట్ కాబోతోంది. ఈ క్రమంలో ఇలాంటి అగ్రిమెంట్లు ఇప్పుడు సోషల్ మీడియాలో వైరల్ అవుతున్నాయి. మీక్కూడా ఇది ఆసక్తిని కలిగిస్తే, నమ్మితే వెంటనే మీ ప్రేమికుడు లేదా ప్రేమికురాలితో ఇప్పుడే ఈ ఒప్పందం చేసుకోండి మరి.