యంగ్ టైగర్ ఎన్టీఆర్(Ntr) బావమరిది నార్నే నితిన్(Narne nithin) హీరోగా పరిచయమైన మూవీ మ్యాడ్(Mad). కొత్త దర్శకుడు కళ్యాణ్ శంకర్(Kalyan shankar) తెరకెక్కించిన ఈ సినిమాను సితారా ఎంటర్టైన్మెంట్స్(Sitara entertainments), ఫార్చున్ ఫోర్ ఫిలిమ్స్(Fortune four films) సంయుక్తంగా నిర్మించాయి. అవుట్ అండ్ అవుట్ యూత్ఫుల్ కామెడీ ఎంటర్టైనర్ గా తెరకెక్కిన ఈ సినిమా అక్టోబర్ 6న ప్రేక్షకుల ముందుకు వచ్చింది.
ఆడియన్స్ నుండి కూడా ఈ సినిమాను పాజిటీవ్ టాక్ వచ్చింది. దీంతో మొదటిరోజు బాక్సాఫీస్ దగ్గర సూపర్ కలెక్షన్స్ రాబట్టింది ఈ మూవీ. అంతా కొత్తవాళ్లతో కేవలం రూ. 2 కోట్లు బడ్జెట్ తో తెరకెక్కిన ఈ సినిమా.. తొలి రోజే రూ. 1.8 కోట్లు కలెక్షన్లు రాబట్టింది. ఇదే విషయాన్ని అధికారికంగా ప్రకటిస్తూ పోస్టర్ రిలీజ్ చేశారు మేకర్స్. ఈ లెక్కన రానున్న రెండు రోజులు కూడా సెలవు దినాలు కావడంతో కలెక్షన్స్ మరింత పెరిగే అవకాశం ఉంది. కాబట్టి ఈ సినిమా త్వరలో బ్రేకీవెన్ సాధించి.. నిర్మాతలకు మంచి ప్రాఫిట్స్ తెచ్చిపెట్టనుందని సమాచారం.
