ఎమ్మెల్సీ అభ్యర్థిత్వాలను తిరస్కరించిన తెలంగాణ గవర్నర్ తమిళిసై సౌందరరాజన్ పై ఎమ్మెల్సీ కల్వకుంట్ల కవిత స్పందించారు. గవర్నర్ తీరు చాలా బాధాకరం అన్నారు. గవర్నర్ తీరు ఫెడరల్ స్ఫూర్తికి విరుద్ధంగా ఉందన్నారు. రాజ్యాంగ పదవిలో ఉన్న గవర్నర్ తీరు సరికాదన్నారు. ఈ విషయాన్ని ప్రజలందరూ గమనించాలని కోరారు. బీజేపీ బీసీ వ్యతిరేక పార్టీ అని చెప్పారు ఎమ్మెల్సీ కవిత.
ALSO READ : వానకు..పుస్తకాలు తడిసినయ్
తెలంగాణ రాష్ట్ర కేబినెట్ సిఫారసు చేసిన గవర్నర్ నామినేటెడ్ కోటా ఎమ్మెల్సీల పేర్లను గవర్నర్ తిరస్కరించిన విషయం తెలిసిందే. ఆ అభ్యర్థులకు తగిన అర్హతలు లేవని స్పష్టం చేశారు. ఆర్టికల్ 171 (5) ప్రకారం అర్హతలు సరిపోవని తెలిపారు. గవర్నర్ కోటా ఎమ్మెల్సీ కింద దాసోజు శ్రవణ్, కుర్రా సత్యనారాయణ అభ్యర్థిత్వాలను ఆమోదించాల్సిందిగా గతంలో కేబినెట్ కోరింది. ఆ సిఫార్సులను గవర్నర్ తమిళిసై రిజెక్ట్ చేశారు.
