మరికల్ మండలకేంద్రంలో కొనసాగుతున్న జ్యోతిబాఫూలే నారాయణపేట స్కూల్లో విద్యార్థుల పుస్తకాలు ఆదివారం రాత్రి కురిసిన వానకు తడిసిపోయాయి. అద్దె భవనంలో కొనసాగుతోన్న బిల్డింగ్కు కిటికీలు, తలుపులు సరిగా లేకపోవడంతో పుస్తకాలు, బట్టలు తడిసిపోయాయని విద్యార్థులు వాపోయారు.
సోమవారం పుస్తకాలను స్కూల్ ఆవరణలో ఆరబెట్టుకున్నారు. స్కూల్లో 6 నుంచి 10వ తరగతి వరకు 440 మంది విద్యార్థులు చదువుకుంటున్నారు. ఇప్పటికైనా సొంత బిల్డింగ్ నిర్మించాలని కోరుతున్నారు.
