రెబల్ స్టార్ ప్రభాస్, డైరెక్టర్ హను రాఘవపూడి కాంబినేషన్ లో తెరకెక్కుతున్న చిత్రం ' ఫౌజీ' . అయితే లేటెస్ట్ గా ఈ సినిమాకు సంబంధించి ఓ ఫోటో లీక్ అవ్వడంతో టాలీవుడ్ లో హాట్ టాపిక్ గా మారింది. షూటింగ్ లోకేషన్ నుంచి ప్రభాస్ లుక్ లీక్ అవ్వడంతో అభిమానులు ఉత్సాహంతో ఆ ఫోటోని షేర్ చేసుకున్నారు. దీంతో ఈ ఫోటో సోషల్ మీడియాలో తెగ వైరల్ అయింది. అయితే ఈ లీక్ పై తీవ్ర అసంతృప్తిని వ్యక్తం చేస్తూ.. మైత్రి మూవీ మేకర్స్ స్ట్రాంగ్ వార్నింగ్ ఇచ్చింది. దీనిని సైబర్ నేరంగా పరిగణించి కఠిన చర్యలు తీసుకుంటామని హెచ్చరించింది.
లీక్స్‌పై మూవీ మేకర్స్ ఆగ్రహం
ప్రభాస్ ఫోటో లీక్ పై మూవీ మేకర్స్ ఎక్స్ వేదికగా ఒక కీలక ప్రకటన చేసింది. మేము మీకు అత్యుత్తమ సినిమాటిక్ అనుభవాన్ని అందించడానికి అహర్నిశలు కృషి చేస్తున్నాము. అయితే ఇలాంటి లీకులు వల్ల మా చిత్ర బృందం యొక్క మనో ధైర్యాన్ని దెబ్బతీస్తాయి. భవిష్యత్తులో ఇలాంటి ఫొటోలను షేర్ చేస్తే వారి అకౌంట్లను తొలగించడమే కాకుండా.. వారిపై సైబర్ క్రైమ్ కింద చట్టపరమైన చర్యలు తీసుకుంటామని హెచ్చరించింది.
ALSO READ : కింగ్డమ్, వార్-2 దెబ్బకు నాగ వంశీ అజ్ఞాతంలోకి అన్నారు..
సైనికుడి పాత్రలో..
సీతారామం వటి క్లాసిక్ సినిమాతో ప్రేక్షకుల హృదయాలను గెలుచుకున్న దర్శకుడు హను రాఘవపూడి.. భారీ బడ్జెట్ తో ఈ 'ఫౌజీ' సినిమాను తెరకెక్కిస్తున్నారు. పీరియాడిక్ యాక్షన్ డ్రామాగా వస్తున్న ఈ చిత్రం 1940 కాలం నాటి నేపథ్యంలో సాగుతుందని తెలుస్తోంది. ఈ మూవీలో ప్రభాస్ సరసన ఇమాన్యీ ఇస్మాయిల్ నటిస్తోంది. మిథున్ చక్రవర్తి, అనుపమఖేర్, జయప్రద కీలక పాత్ర పోషిస్తున్నారు. భారీ అంచనాలతో రూపుదిద్దుకుంటున్న ఈ చిత్రంలో ప్రభాస్ ఒక సైనికుడి పాత్రలో కనించనున్నట్లు సమాచారం.
వరుస ప్రాజెక్టులతో ప్రభాస్ ఫుల్ బిజీగా ఉన్నారు. ప్రస్తుతం ఆయన చేతిలో 'ది రాజా సాబ్', సందీప్ రెడ్డి వంగా దర్శకత్వంలో 'స్పిరిట్', అలాగే 'కల్కి 2898 AD' రెండవ భాగం, 'సలార్' సీక్వెల్ వంటి ప్రతిష్టాత్మక చిత్రాలు ఉన్నాయి. ఇటీవల విష్ణు మంచు హీరోగా వచ్చిన 'కన్నప్ప' సినిమాలో అతిథి పాత్రలో మెరిశారు. కానీ ఈ మూవీలో ఆయన పాత్రకు న్యాయం చేసినా.. భాక్సాఫీస్ వద్ద మాత్రం అశించిన స్థాయిలో విజయాన్ని సొంతం చేసుకోలేకపోయింది.
<blockquote class="twitter-tweet"><p lang="en" dir="ltr">We've observed that a lot of you are sharing a picture from the sets of <a href="https://twitter.com/hashtag/PrabhasHanu?src=hash&ref_src=twsrc%5Etfw">#PrabhasHanu</a>.<br><br>We are striving to give you the best experience, and these leaks bring the morale of the team down. <br><br>Any account sharing such pictures will not only be reported and brought down but will be…</p>— Mythri Movie Makers (@MythriOfficial) <a href="https://twitter.com/MythriOfficial/status/1957840003326964158?ref_src=twsrc%5Etfw">August 19, 2025</a></blockquote> <script async src="https://platform.twitter.com/widgets.js" charset="utf-8"></script>
