మెగా పవర్ స్టార్ రామ్ చరణ్(Ram charan) హీరోగా వస్తున్న లేటెస్ట్ మూవీ గేమ్ ఛేంజర్(Game changer). స్టార్ డైరెక్టర్ శంకర్(Shankar) తెరకెక్కిస్తున్న ఈ సినిమాపై ప్రేక్షకుల్లో భారీ అంచనాలున్నాయి. అయితే చాలా గ్యాప్ తరువాత మొదలైన ఈ సినిమా షూటింగ్ మల్లి క్యాన్సిల్ అయ్యింది అంటూ వార్తలు వినిపిస్తున్నాయి. దానికి రెండు కారణాలు వినిపిస్తున్నాయి.
ALSO READ : IND vs AUS: గిల్ రికార్డుల మోత.. వన్డే చరిత్రలో ఒకే ఒక్కడు
అందులో ఒకటి ఈ షెడ్యూల్ కు సంబందించిన ఆర్టిస్టులు అందుబాటులో లేరట. అందువల్ల ఈ షెడ్యూల్ ను అక్టోబర్ 6 వరకు వాయిదా వేశారట. ఇక రెండో కారణం ఏంటంటే.. తాజాగా మొదలైన షూట్ లో రామ్ చరణ్ మొహానికి చిన్న గాయమయిందట. ఈ కారణంగా రామ్ చరణ్ కు కొన్ని రోజులు రెస్ట్ అవసరమని సూచించారట డాక్టర్స్. అందుకే ఈ సినిమాను వారం రోజుల పాటు పోస్ట్ పోన్ చేశారని వార్తలు వినిపిస్తున్నాయి. అయితే ఈ రెండు కారణాలలో ఏది నిజం అనేది తెలియదు కానీ.. గేమ్ ఛేంజర్ షూటింగ్ మాత్రం మరోసారి పోస్ట్ పోన్ అయ్యింది.
ఇక గేమ్ ఛేంజర్ సినిమా విషయానికి వస్తే.. పొలిటికల్ డ్రామాగా రానున్న ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. దిల్ రాజు ఎంతో ప్రతిష్టాత్మకంగా నిర్మిస్తున్న ఈ సినిమాకు తమన్ సంగీతం అందిస్తున్నారు. ఈ సినిమా వచ్చే ఏడాది ప్రేక్షకుల ముందుకు రానుంది.
