ముంబై: బాలీవుడ్ యాక్టర్ షెఫాలీ జరివాలా గుండెపోటుతో మృతి చెందిన విషయం తెలిసిందే. చిన్న వయస్సులోనే జరివాలా కార్డియాక్ అరెస్ట్తో ప్రాణాలు కోల్పోవడం ఇండస్ట్రీని దిగ్భ్రాంతికి గురి చేసింది. అకస్మాత్తుగా రక్తపోటు తగ్గడం వల్లే జరివాలా గుండెపోటుతో మరణించినట్లు డాక్టర్లు నిర్ధారించారు. షెఫాలీ మృతితో మరోసారి ఆకస్మిక గుండె పోటు, హైపోటెన్షన్ గురించి చర్చ మొదలైంది. అసలు ఒక్కసారిగా రక్తపోటు ఎందుకు తగ్గుతోంది..? బీపీ సడెన్గా తగ్గితే వెంటనే గుండెపోటు వస్తుందా..? బీపీ ఒక్కసారిగా తగ్గినా.. పెరిగినా కష్టమేనా అన్న ప్రశ్నలు ఉత్పన్నమవుతున్నాయి.
ఈ ప్రశ్నలకు పూణేలోని రూబీ హాల్ క్లినిక్‌లో కార్డియాలజిస్ట్ డాక్టర్ అభిజిత్ ఖడ్తారే క్లారిటీ ఇచ్చే ప్రయత్నం చేశారు. రక్తపోటు అకస్మాత్తుగా పడిపోయినప్పుడు త్వరగా చికిత్స చేయకపోతే ప్రాణాంతకమని ఆయన వివరించారు. హెపోటెన్షన్ కొన్నిసార్లు గుండె ఆగిపోవడానికి దారితీస్తుందని పేర్కొన్నారు. బ్లడ్ ప్రెసర్ 90/60 mm Hg కంటే తక్కువగా ఉండటం ప్రమాదకరం కానప్పటికీ.. వేగంగా రక్తపోటు తగ్గడం వల్ల మెదడు, గుండె, మూత్రపిండాలు వంటి ముఖ్యమైన అవయవాలకు ఆక్సిజన్ సరఫరాకు అంతరాయం కలుగుతుందని తెలిపారు.
ALSO READ | Aishwarya, Abhishek: ఐశ్యర్యతో విడాకులపై స్పందించిన అభిషేక్ బచ్చన్.. ఏమన్నాడంటే?
ఇది త్వరగా అవయవాలు పనిచేయకుండా అడ్డుకుంటుందని.. వ్యక్తులను షాక్లోకి తీసుకెళ్తుందన్నారు. బీపీ సడెన్గా తగ్గడం వల్ల శరీరానికి అవసరమైన ఆక్సిజన్ అందక కార్డియాక్ అరెస్ట్ సంభవిస్తుందని తెలిపారు. సకాలంలో చికిత్స అందించకపోతే ప్రాణాలకే ప్రమాదమని చెప్పారు.
బీపీ సడెన్గా తగ్గడానికి కారణమేమిటి..?
రక్తపోటు అకస్మాత్తుగా పడిపోవడానికి అనేక కారణాలు ఉన్నాయి. వీటిలో తీవ్రమైన నిర్జలీకరణం లేదా భారీ రక్త నష్టం. ఇది శరీరంలో రక్త పరిమాణాన్ని తగ్గిస్తుంది. సెప్టిక్ షాక్, అనాఫిలాక్సిస్, తీవ్రమైన అలెర్జీ ప్రతిచర్య, హృదయ స్పందనలో హెచ్చు తగ్గులు వంటివి గుండె రక్తాన్ని పంప్ చేసే సామర్థ్యాన్ని బలహీనపరుస్తాయి. గందరగోళం, చలి, చెమటతో కూడిన చర్మం, శ్వాస తీసుకోవడంలో మార్పులు, బలహీనమైన వేగవంతమైన పల్స్, మూర్ఛపోవడం వంటివి తీవ్రమైన హైపోటెన్షన్ లక్షణాలు. ఇవన్నీ తక్షణ వైద్య సహాయం అవసరమయ్యే సంకేతాలు.
శరీరంలో అలాంటి సంకేతాలు కనిపించినప్పుడు త్వరగా వైద్యులను సంప్రదించాలి. క్రమం తప్పకుండా గుండె పరీక్షలు చేయించుకోవాలని, శారీరకంగా చురుకుగా ఉండాలని, ఆరోగ్యంగా తినాలని, ఒత్తిడి లేదా అసౌకర్యం వంటి ప్రారంభ సంకేతాలను నిర్లక్ష్యం చేయొద్దని సూచించారు. ముఖ్యంగామీ శరీరం మీకు ఏమి చెప్పడానికి ప్రయత్నిస్తుందో విస్మరించవద్దని.. ముందే జాగ్రత్త పడితే తర్వాత ప్రమాదాన్ని నివారించవచ్చని చెప్పారు.
