వరుస అపజయాలతో నిరాశతో ఉన్న టాలీవుడ్ డైనమిక్ డైరెక్టర్ పూరి జగన్నాథ్.. ఈ సారి బాక్సాఫీస్ వద్ద తన సత్తా చాటేందుకు రెడీ అవుతున్నారు. మక్కల్ సెల్వన్ విజయ్ సేతుపతి, పూరి కాంబినేషన్లో వస్తున్న మోస్ట్ అవేటెడ్ పాన్ ఇండియా యాక్షన్ థ్రిల్లర్ 'స్లమ్డాగ్ – 33 టెంపుల్ రోడ్' (SlumDog - 33 Temple Road). ఇటీవలే విడుదలైన ఈ సినిమా టీజర్ సోషల్ మీడియాను షేక్ చేసింది.
లేటెస్ట్ గా చిత్ర యూనిట్ ఈ మూవీ టీజర్ వెనుక ఉన్న అసలైన కష్టాన్ని, షూటింగ్ విజువల్స్ను చూపిస్తూ ఒక పవర్ఫుల్ 'టీజర్ మేకింగ్ వీడియో'ను సోషల్ మీడియాలో వదిలింది. ఈ వీడియో ఇప్పుడు నెట్టింట సెన్సేషన్ క్రియేట్ చేస్తోంది.
ఈ మేకింగ్ వీడియో చూస్తుంటే పూరి జగన్నాథ్ మళ్లీ తన పాత వింటేజ్ ఫామ్లోకి వచ్చేసినట్లు స్పష్టంగా కనిపిస్తోంది. సినిమాలో విజయ్ సేతుపతి ఒక యాచకుడి (Beggar) పాత్రలో మునుపెన్నడూ చూడని విలక్షణమైన గెటప్లో కనిపించబోతున్నారు. ఆయన బాడీ లాంగ్వేజ్, పూరి మార్క్ డైలాగ్ డెలివరీ, యాక్షన్ సీక్వెన్స్ కోసం పడిన శ్రమ ఈ వీడియోలో నెక్స్ట్ లెవెల్లో ఉన్నాయి. సమాజంలో మనం రోజూ చూసే యాచకుల వెనుక ఉండే కొన్ని షాకింగ్ నిజాలు, రా ఎమోషన్స్, మురికివాడల్లోని చీకటి సామ్రాజ్యం ఆధారంగా ఈ చిత్రాన్ని పూరి మైండ్ బ్లోయింగ్గా తెరకెక్కించారు.
►ALSO READ | Singha Glimpse : కళ్లల్లో రగులుతున్న క్రోధం.. చేతిలో గొడ్డలి.. 'సింగ' లుక్లో గోపిచంద్ ఊరమాస్ విధ్వంసం!
ఈ మూవీలో బాలీవుడ్ స్టార్ నటి టబు ఒక పవర్ఫుల్ అండ్ స్టైలిష్ పోలీస్ ఆఫీసర్ పాత్రలో గన్ పట్టి గర్జించబోతోంది. లక్కీ బ్యూటీ సంయుక్త హీరోయిన్గా నటిస్తుండగా, కన్నడ వర్సటైల్ యాక్టర్ దునియా విజయ్ మునుపెన్నడూ లేని విధంగా అత్యంత క్రూరమైన విలన్ రోల్లో కనిపించబోతున్నారు. పూరి జగన్నాథ్ టేకింగ్, హీరో రగ్గడ్ ఎంట్రీ, కిక్కెక్కించే నేపథ్య సంగీతం ఈ మేకింగ్ వీడియోలోనే గూస్బంప్స్ తెప్పిస్తున్నాయి.
కమర్షియల్ ఎలిమెంట్స్తో పాటు గుండెల్ని పిండేసే ఎమోషన్స్తో రాబోతున్న ఈ ' స్లమ్డాగ్ ' పాన్-ఇండియా లెవెల్లో సరికొత్త రికార్డులను క్రియేట్ చేయడం ఖాయంగా కనిపిస్తోంది. త్వరలోనే ఈ మూవీ వరల్డ్వైడ్గా థియేటర్లలోకి రానుంది. ఈ క్రేజీ ప్రాజెక్ట్ కోసం మీరు ఎంతగా వెయిట్ చేస్తున్నారో కామెంట్ చేయండి.
