గతేడాది IPL సీజన్ లో అట్టడుగున నిలిచిన సన్ రైజర్స్ హైదరాబాద్ (SRH) ఈసారైనా ట్రోఫీ నెగ్గాలన్న దృఢమైన పట్టుదలతో ఉంది.ఆ క్రమంలోనే డేవిడ్ వార్నర్ ను వేలానికి రిలీజ్ చేసిన టీమ్ మేనేజ్ మెంట్.. న్యూజిలాండ్ కూల్ కేన్ విలియమ్సన్ ను కెప్టెన్ గా చేసింది.
అంతేకాదు.. జట్టు జెర్సీనీ మార్చేసింది. నిన్న(బుధవారం) సాయంత్రం కొత్త జెర్సీని విడుదల చేసింది. ‘పైకి ఎదగడానికి సిద్ధం’ అంటూ నలుపు, ఆరెంజ్ కలర్ కాంబినేషన్ లో జెర్సీని రూపొందించింది. జెర్సీ ముందుభాగాన్నంతా ప్లెయిన్ గా పెట్టేసింది. సన్ రైజర్స్ అని కనిపించేలా పెద్ద అక్షరాలతో ముందు భాగంలో ఫ్రింట్ చేశారు.ఇంతకుముందు జెర్సీతో పోలిస్తే కొన్ని మార్పులను చేసింది. ఇంతకుముందు భుజాలపై ఆరెంజ్ కలరే ఉంటుండగా.. ఇప్పుడు పూర్తి నలుపునకు మార్చింది. ఇక ఇంతకుముందు జెర్సీ ముందుభాగంలో షేడ్స్ తో కూడిన ఆరెంజ్ కలర్ ఉండగా.. ఇప్పుడు పూర్తి కాషాయ రంగులో తీర్చిదిద్దారు.
ఇక గత జెర్సీలో ప్యాంట్ రంగు నలుపు కాగా.. ఇప్పుడు ఆరెంజ్ కు మార్చారు. మొత్తంగా ఆరెంజ్ ఆర్మీ పూర్తిగా ఆరెంజ్ లోనే కనిపించనుందన్నమాట.
మరిన్ని వార్తల కోసం..