ఒక్కసారి తింటే చాలు.. మళ్లీ మళ్లీ కావాలంటారు. సాధారణంగా గోవా ఫ్రూట్ ను అదే నండి జామకాయను చిన్న చిన్న ముక్కలుగా కట్ చేసినా ఉప్పు.. కారం అద్దుకొని తింటారు. మరి అలాంటి జామకాయ చట్నీని ఎప్పుడైనా ట్రై చేశారా.
ఇది వినడానికి కొత్తగా ఉన్నా నోటికి పుల్లపుల్లగా, కారంకారంగా తగిలే జామకాయ పచ్చడిని వేడి వేడి అన్నం... కరకరలాడే పరాటాల్లోకి ఈ పచ్చడి అద్భుతమైన కాంబినేషన్. ఆవనూనె ఘాటు, సుగంధ ద్రవ్యాల సువాసనలతో ఈ పచ్చడిని పది నిమిషాల్లో తయారు చేసుకోవాలో ఇప్పుడు తెలుసుకుందాం. . .!
జామకాయ పచ్చడి తయారీకి కావలసినవి
- గట్టి,దోర జామకాయలు: కేజీ
- ఆవ నూనె: 8 టేబుల్ స్పూన్లు
- ఆవాలు: 2 టీస్పూన్లు
- సోంపు గింజలు: 2 టీస్పూన్లు
- మెంతులు: ఒక టీస్పూన్
- నల్ల జీలకర్ర: ఒక టీస్పూన్
- ఇంగువ: అర టీస్పూన్
- పసుపు: 2 టీస్పూన్లు
- ఎర్ర కారం: 2టీస్పూన్లు
- ఆమ్చూర్ పొడి: 2 టీస్పూన్లు లేదా
- నిమ్మరసం : 4 టీస్పూన్లు
- బ్లాక్ సాల్ట్: రుచికి సరిపడా
జామకాయ పచ్చడి తయారీ విధానం
జామకాయలను ముందుగా నీటితో శుభ్రంగా కడగి.. తడి లేకుండా ఆరబెట్టాలి. ఆ తరువాత ఆ రాయలను చతురాస్రాకార రూపంలో చిన్న చిన్న ముక్కలుగా కట్ చేయాలి. తినేటప్పుడు గింజలు తగలకూడదనుకుంటే గింజలను తీసేయండి. వీటిని ఒక బౌల్లోకి తీసుకోవాలి.
ఇప్పుడు స్టవ్ వెలిగించి దానిపై కళాయి పెట్టి అందులో సోంపు గింజలు.. మెంతులు.. ఆవాలు వేసి సన్నని మంటపై దోరగా వేగించాలి. వీటన్నింటిని ఒరబౌల్ లో చల్లారబెట్టాలి. అవి చల్లారిన తరువాత మిక్సీలో కొద్దిగా బరకగా ఉండేలా పొడి చేయాలి.
ALSO READ : తులారాశిలో బుధుడు తిరోగమనం.. ఏరాశి వారికి ఎలా ఉంటుంది..
ఇప్పుడు మళ్లీ స్టవ్ వెలిగించి.. కళాయి పెట్టి అందులో ఆవనూనె పోసి పచ్చి వాసన పోయే వరకు .. పొగలు వచ్చే వరకు బాగా వేడి చేయాలి. తరువాత స్టవ్ ఆ నూనెను గోరు వెచ్చగా ఉండే వరకు ఆరపెట్టాలి. ఇప్పుడు ఇందులో నల్ల జీలకర్ర, ఇంగువ, పసుపు, కారం, ఉప్పు, నల్ల ఉప్పు, ముందుగా మిక్సీలో చేసుకున్న (ఆవాలు, మెంతులు, సోంపు) పొడి వేసి కలపండి.
ఇప్పుడు జామకాయ ముక్కలు, ఆమ్ చూర్ పొడి లేదా నిమ్మరసం ఆ మిశ్రమంలో కలపాలి. ప్రతి ముక్కకు బాగా ఈ పొడి పట్టేలాకలపండి.ఇక -అంతే నోరూరించే ఆరోగ్యాన్ని ఇచ్చే ఇన్‌స్టంట్ జామకాయ పచ్చడి రెడీ. జామకాయల్లో ఫైబర్, విటమిన్ సి, యాంటీ ఆక్సిడెంట్లు పుష్కలంగా ఉండి జీర్ణవ్యవస్థను మెరుగుపరచడమే కాకుండా, రోగనిరోధక శక్తి పెరుగుతుంది.
