IND vs ENG 2nd ODI: ఎడ్జ్బాస్టన్లో జరిగిన తొలి వన్డేలో ఘన విజయం సాధించి 1-–0 ఆధిక్యంలోకి దూసుకెళ్లిన భారత్ .. నేడు (జూలై 16, గురువారం) కార్డిఫ్లోని సోఫియా గార్డెన్స్ వేదికగా ఇంగ్లాండ్తో రెండో వన్డేలో తలపడనుంది. శుభ్మన్ గిల్ సారథ్యంలోని టీమిండియా ఈ మ్యాచ్ కూడా గెలిచి మూడు మ్యాచ్ల సిరీస్ను సొంతం చేసుకోవాలని ప్లాన్ చేస్తుంది. మరోవైపు, హ్యారీ బ్రూక్ నేతృత్వంలోని ఇంగ్లాండ్ జట్టు సిరీస్ ఆశలను సజీవంగా ఉంచుకోవడానికి ఈ మ్యాచ్లో ఎలాగైనా గెలవాలనే పట్టుదలతో ఉంది.
పిచ్ రిపోర్ట్:
సోఫియా గార్డెన్స్ పిచ్ మ్యాచ్ ప్రారంభంలో ఫాస్ట్ బౌలర్లకు బాగా సహకరిస్తుంది. ఇక్కడి మేఘావృతమైన వాతావరణం (Overcast Conditions), పిచ్పై లభించే సీమ్ మూవ్మెంట్ కారణంగా కొత్త బంతితో పేసర్లు వికెట్లు తీసే అవకాశం ఉంది. కాగా కొత్త బంతి స్పెల్ను తట్టుకుని నిలబడితే బ్యాటర్లు ఇక్కడ సెటిల్ అయి భారీ స్కోర్లు సాధించవచ్చు. ఇక మిడిల్ ఓవర్లలో స్పిన్నర్లు కూడా ఇక్కడ కొంతవరకు కీలక పాత్ర పోషించనున్నారు. ఈ గ్రౌండ్ లో సగటు మొదటి ఇన్నింగ్స్ స్కోరు 250–270 రన్స్, కాబట్టి 280+ కి పైగా స్కోరు నమోదైతే అది డిఫెండింగ్ చేయడానికి మంచి ఫైటింగ్ టోటల్ అవుతుంది.
టాస్ గెలిస్తే ఫీల్డింగే:
కార్డిఫ్ మైదానంలో ఛేజింగ్ (రెండోసారి బ్యాటింగ్) చేసే జట్లకే ఎక్కువ విజయాల రికార్డు ఉంది. ఉదయం పూట ఉండే మబ్బుల చాటున కొత్త బంతితో భారత టాప్ ఆర్డర్ను దెబ్బకొట్టాలని ఇంగ్లాండ్ కెప్టెన్ హ్యారీ బ్రూక్ భావించవచ్చు. అందుకే టాస్ గెలిస్తే ఇంగ్లాండ్ మొదట ఫీల్డింగ్ తీసుకునే ఛాన్స్ ఎక్కువగా ఉంది.
ఈ మ్యాచ్ ఎవరు గెలుస్తాంటే:
తొలి మ్యాచ్ విజయం అందించిన జోష్ లో ఉన్న భారత్ ఈ రెండో వన్డేలో హాట్ ఫేవరెట్గా బరిలోకి దిగుతోంది. మొదటి వన్డేలో గాయపడిన కెప్టెన్ శుభ్మన్ గిల్ పూర్తిగా కోలుకుని జట్టులోకి రావడం పెద్ద ప్లస్ పాయింట్. రోహిత్ శర్మ, విరాట్ కోహ్లీల అనుభవం, జస్ప్రీత్ బుమ్రా వరల్డ్ క్లాస్ బౌలింగ్తో టీమిండియా ఎంతో సమతుల్యంగా (Balanced) కనిపిస్తోంది. ఇంగ్లాండ్ టీమ్ లో జో రూట్, జోస్ బట్లర్, జోఫ్రా ఆర్చర్ లాంటి పవర్ఫుల్ ప్లేయర్లు ఉన్నప్పటికీ.. పటిష్టమైన భారత్ను అడ్డుకోవాలంటే వారు ఆల్రౌండ్ ప్రదర్శన చేయాల్సి ఉంటుంది.
►ALSO READ | వెస్టిండీస్ క్రికెట్కు ఐసీసీ భారీ ఆర్థిక సాయం.. 122 కోట్ల లోన్కు గ్రీన్ సిగ్నల్!
ఇరు జట్ల ప్లేయింగ్ XI అంచనా:
భారత్: రోహిత్ శర్మ, శుభ్మన్ గిల్ (కెప్టెన్), విరాట్ కోహ్లీ, శ్రేయస్ అయ్యర్, కేఎల్ రాహుల్ (వికెట్ కీపర్), హార్దిక్ పాండ్యా, అక్షర్ పటేల్, కుల్దీప్ యాదవ్, అర్ష్దీప్ సింగ్, జస్ప్రీత్ బుమ్రా, ప్రసిద్ధ్ కృష్ణ.
ఇంగ్లాండ్: బెన్ డకెట్, జాకబ్ బెథెల్, జో రూట్, హ్యారీ బ్రూక్ (కెప్టెన్), జోస్ బట్లర్ (వికెట్ కీపర్), విల్ జాక్స్, సామ్ కర్రన్, జోఫ్రా ఆర్చర్, ఆదిల్ రషీద్, జోష్ టంగ్, లియామ్ డాసన్
