బయటికి కనిపించే మన శరీర భాగాలను శుభ్రం చేసుకునేందుకు అనేక మార్గాలున్నాయి..సరియైన పోషకాహారం తీసుకోవడం ద్వారా, రోజూ వారీ కార్యక్రమాల ద్వారా క్లీన్చేసుకుంటాం.. అంతర్గత అవయవాలను ఎలా శుభ్రం చేసుకోవాలి.? కాలేయం శరీర జీవక్రియలో అత్యంత కీలక పాత్ర పోషిస్తుందని మనందరికి తెలుసు. అంతర్గత అవయవాలలో రోజూ క్లీన్ చేసుకోవాల్సిన ముఖ్యమైన అవవయం కూడా ఇదే.. లివర్ ను ఆరోగ్యంగా ఉంచుకోవాంటే.. ఫ్యాటీ లివర్కు గుడ్ బై చెప్పాలన్నా.. ఈ మూడు డ్రింక్స్(పానియాలు) మంచి ప్రయోజనాలను అందిస్తాయంటున్నారుఆరోగ్య నిపుణులు. అవేంటో చూద్దాం..
కాలేయం(లివర్) శరీరం సహజ నిర్విషీకరణ కారకంగా పనిచేస్తుంది..రక్తం నుంచి విషపదార్థాలను ఫిల్టర్ చేస్తుంది. హానికరమైన పదార్థాలను విచ్ఛిన్నం చేస్తుంది. మెడిసిన్,ఆల్కహాల్‌ను డైల్యూట్ చేస్తుంది. కాలేయం పిత్తాన్ని ఉత్పత్తి చేయడం ద్వారా జీర్ణక్రియలో కూడా కీలక పాత్ర పోషిస్తుంది. ఇది కొవ్వులను విచ్ఛిన్నం,పోషకాలను గ్రహించడానికి సహాయపడుతుంది. అయితే ఇక్కడ విచారకరమైన విషయం ఏమిటంటే.. ప్రస్తుత అస్తవ్యస్థ జీవనశైలి, అలవాట్లు కాలేయ ఆరోగ్యాన్ని ప్రమాదంలో పడేశాయి. మరీ కాలేయాన్ని ఎలా కాపాడుకోవాలి..?
Also Read : పసుపు టీ.. బోలెడు ఉపయోగాలు.. బరువు తగ్గుతారు.. షుగర్ను అదుపుచేస్తుంది..!
ఫోర్టిస్ వసంత్ కుంజ్‌ కు చెందిన ప్రముఖ గ్యాస్ట్రోఎంటరాలజిస్ట్ ,హెపాటాలజిస్ట్ డాక్టర్ శుభమ్ వాత్సయా ఇటీవల ఇన్‌స్టాగ్రామ్‌లో రీల్‌ను షేర్ చేశారు. కొద్దిపాటి జాగ్రత్త, శ్రద్ధ వహిస్తే.. మన కాలేయంలో ఫ్యాటీ లివర్ వంటి సమస్యలుంటే.. మనంతట మనమే పరిష్కరించుకోవచ్చంటున్నారు. చిన్న చిన్న రోజువారీ అలవాట్లతో కాలేయాన్ని రక్షించుకోవచ్చంటున్నారు. ఉదయం ,సాయంత్రం సరైన పానీయాలను తీసుకోవడం ద్వారా కొన్ని వారాల్లోనే మంచి ఫలితాలను చూస్తారని చెబుతున్నారు.
కాలేయ కొవ్వును కరిగించే బెస్ట్ డ్రింక్స్..
బ్లాక్ కాఫీ..
లివర్ ను ఆరోగ్యం గా ఉంచుకోవడంలో సాయపడే మొదటి పానియం.. బ్లాక్ కాఫీ. బ్లాక్ కాఫీని క్రమం తప్పకుండా తాగేవారికి కాలేయ వ్యాధి, కాలేయ ఫైబ్రోసిస్, కాలేయ క్యాన్సర్ వచ్చే ప్రమాదం చాలా తక్కువ అంటున్నారు ఆరోగ్య నిపుణులు. బ్లాక్కాఫీలోని యాంటీ ఆక్సిడెంట్లు, కాలేయం ఎంజైములను రక్షిస్తాయి.. వాపును తగ్గిస్తాయంటున్నారు. కాలేయ ఆరోగ్యం కోసం చక్కెర, క్రీమ్ ,పాలు లేని కాఫీని తీసుకోవాలని సిఫార్సు చేస్తున్నారు.
అధ్యయనాలు ఏం చెబుతున్నాయంటే..
కాఫీ, లివర్ డిసీజ్అధ్యయనం ప్రకారం.. కాఫీ తాగడం వల్ల కాలేయ సమస్యలు ఉన్న వ్యక్తులలో ALT, AST,GGTP వంటి కాలేయం ఎంజైములను మెరుగుపడతాయి. లివర్ సమస్యలు ఉన్న వారు రోజుకు 2 కప్పుల కంటే ఎక్కువ కాఫీ తీసుకోవడం వల్ల ఫైబ్రోసిస్, సిర్రోసిస్ తగ్గుతుంది. ఊబకాయం ఉన్న ఎలుకలలో నాన్-ఆల్కహాలిక్ ఫ్యాటీ లివర్ డిసీజ్ (NAFLD) ని తగ్గించగలదని ప్రయోగాత్మక ఆధారాలు ఉన్నాయని ఈ అధ్యయనం పేర్కొంది.
గ్రీన్ టీ..
ఫ్యాటీ లివర్ సమస్యకు చెక్ పెట్టాలంటే గ్రీన్ టీ రెండో అత్యుత్తమ డ్రింక్ అంటున్నారు ఆరోగ్య నిపుణులు. గ్రీన్ టీ లో క ఆటెచిన్లు,EGCG కాంపోనెంట్స్ ఉంటాయి.. ఇవి కాలేయం కొవ్వును , వాపును తగ్గిస్తాయంటున్నారు రోజుకు 3నుంచి 4 కప్పుల గ్రీన్ టీ ఆరోగ్యం ప్రయోజనాలను పెంచుతుందంటున్నారు. గ్రీన్ టీని మోతాదుకు మించి తీసుకోకూడదు.. అది కాలేయంపై ఒత్తిడిని పెంచి ప్రమాదంలో పడేస్తుందని హెచ్చరిస్తున్నారు.
PMC ప్రచురించిన నాన్-ఆల్కహాలిక్ ఫ్యాటీ లివర్ డిసీజ్ రోగులలో గ్రీన్ టీ ఎక్స్‌ట్రాక్ట్ చికిత్సా ప్రయోజనాలు అధ్యయనం ప్రకారం..గ్రీన్ టీలో వేలాది బయోయాక్టివ్ సమ్మేళనాలుంటాయి. వాటిలో ముఖ్యమైనవి ఫ్లేవనాయిడ్లు.. ఫ్లేవనాయిడ్లలో కాటెచిన్లు ప్రధానమైనది. ఇది వృద్ధాప్యం, క్యాన్సర్ ,పార్కిన్సోనిజం ,స్ట్రోక్,డయాబెటిక్ ,క్షయ ,యాంటీ బాక్టీరియల్వంటి లక్షణాలతో అనేక రోగాలను నయం చేసే ప్రయోజనాలు అందిస్తుంది.
బీట్‌రూట్ జ్యూస్..
లివర్ కొవ్వును ఇట్టే మాయం చేసే గుణం బీట్ రూట్ జ్యూస్ లో ఉందంటున్నారు ఆరోగ్య నిపుణులు. బీట్ రూట్ లోని బీటాలేన్స్, నైట్రేట్ లు లివర్ డిటాక్స్ ఎంజైములను పనిచేసేలా తోడ్పడతాయి. రోజు అరగ్లాసు తాజా బీట్ రూట్ జ్యూస్ తాగితే చాలు.. లివర్సమస్యలకు తలెత్తకుండా చెక్ పెట్టొచ్చంటున్నారు. మూత్రపిండాల్లో రాళ్లు, లోబీపీ ఉన్న రోగులు ఈ జ్యూస్ తీసుకోవడంలో జాగ్రత్తగా ఉండాలంటున్నారు.
నాన్-ఆల్కహాలిక్ ఫ్యాటీ లివర్ డిసీజ్ ఉన్న రోగులలో లివర్ ఎంజైమ్‌లు ,సోనోగ్రాఫిక్ అప్పియరెన్స్‌పై బీట్‌రూట్ రసం అనే అంశంపై జరిపిన అధ్యయనంలో నాన్-ఆల్కహాలిక్ ఫ్యాటీ లివర్ డిసీజ్ (NAFLD) చికిత్సకు బీట్ రూట్ రసం మంచి తోడ్పాటునందిస్తుందన్నారు.
రోజువారీ అలవాట్లలో మార్పులు, సరపడా పోషకాహారం, సరియైన క్వాంటిటీతో డైట్ తీసుకోవడం ద్వారా ఆరోగ్యాన్ని కాపాడుకోవచ్చు.. ముఖ్యంగా అంతర్గత అవయవాల విషయంలో చాలా జాగ్రత్తలు తీసుకోవాలి.. ఎప్పటికప్పుడు చెకప్చేయించుకోవాలి.. వాటి ఆరోగ్యానికి తీసుకోవాలి ఫుడ్స్, పానీయాలను ఎంపిక చేసుకొని తీసుకుంటే ఆరోగ్యం ఉండొచ్చంటున్నారు ఆరోగ్య నిపుణులు.
