కొవిషీల్డ్ డోసుల మధ్య మరింత గ్యాప్

కొవిషీల్డ్ డోసుల మధ్య మరింత గ్యాప్

న్యూఢిల్లీ: కొవిషీల్డ్ వ్యాక్సిన్ విషయంలో కేంద్ర ప్రభుత్వం కీలక నిర్ణయం తీసుకుంది. కొవిషీల్డ్ ఫస్ట్, సెకండ్ డోసుల మధ్య గ్యాప్ ను 12 నుంచి 16 వారాలకు పెంచుతున్నట్లు నీతి ఆయోగ్ సభ్యుడు వీకే పాల్ తెలిపారు. ఇంతకుముందు కొవిషీల్డ్ రెండు డోసుల మధ్య ఆరు నుంచి ఎనిమిది వారాలుగా ఉండేది. ఈ మార్పులకు వీకే పాల్ నేతృత్వంలోని నేషనల్ అడ్వైజరీ కమిటీ ఆన్ వాక్సిన్స్ ఆమోదముద్ర వేసింది. అయితే కొవ్యాక్సిన్ డోసుల గ్యాప్ విషయంలో మాత్రం పాత పద్ధతికే కట్టుబడి ఉంటామని కేంద్రం స్పష్టం చేసింది. కొవ్యాక్సిన్ డోసుల మధ్య నాలుగు నుంచి ఆరు వారాల అంతరం ఉంది.