దుబాయ్: ఆఫ్రికా దేశం సూడాన్లో చిక్కుకుపోయిన ఇండియన్లను తిరిగి రప్పించాలని వాళ్ల బంధువులు కేంద్ర ప్రభుత్వాన్ని కోరుతున్నారు. అక్కడి సైన్యం, పారా మిలిటరీ బలగాల మధ్య కొద్దిరోజులుగా ఘర్షణలు జరుగుతున్నాయి. దాడులతో సూడాన్ కేపిటల్ సిటీ ఖర్తూమ్ ఉక్కిరిబిక్కిరి అవుతోంది. ఈ గొడవల్లో ఇప్పటివరకు ఒక ఇండియన్ సహా 185 మంది ప్రాణాలు కోల్పోయారు. 1,800 మందికి పైగా గాయపడ్డారు. మరికొంతమంది మనోళ్ల జాడ కూడా తెలియట్లేదు. అలా చిక్కుకుపోయిన ఇండియన్ల సమాచారం కోసం మన దేశంలో ఉన్న వాళ్ల కుటుంబ సభ్యులు ఆందోళన చెందుతున్నారు. అందరినీ సేఫ్గా తీసుకురావాలని ప్రభుత్వాన్ని కోరుతున్నారు.
సంప్రదింపులు జరుపుతున్నం: కేంద్రం
సూడాన్లో ఇండియన్ల భద్రతపై అమెరికా, యూకే, సౌదీ అరేబియా సహా వివిధ దేశాలతో మన దేశం సంప్రదింపులు జరుపుతోందని కేంద్ర ప్రభుత్వ వర్గాలు బుధవారం వెల్లడించాయి. అక్కడ పరిస్థితులు ఉద్రిక్తంగా ఉన్నాయని, ఈ దశలో మనోళ్లను తరలించడం ప్రమాదకరమని స్పష్టం చేశాయి..
