- మాజీ ఎమ్మెల్యే లక్ష్మారెడ్డిపై అనిరుధ్రెడ్డి ఫైర్
జడ్చర్ల టౌన్, వెలుగు : ప్రభుత్వ భూములను కబ్జా చేసి బినామీలకు అలాట్మెంట్ చేయడమే కాకుండా రెవెన్యూ రికార్డులను సైతం ఇష్టానుసారంగా ట్యాంపరింగ్చేశారని మాజీ ఎమ్మెల్యే లక్ష్మారెడ్డిపై ఎమ్మెల్యే అనిరుధ్రెడ్డి ఆరోపణలు చేశారు. సోమవారం ఆయన మీడియాతో మాట్లాడుతూ తాను గతంలో చేసిన ఆరోపణలను నిరూపించాలని మాజీ ఎమ్మెల్యే పేర్కొనడాన్ని స్వాగతిస్తున్నానని, వాటికి సంబంధించిన ఆధారాలను చూపించారు. మాజీ ఎమ్మెల్యే సోదరి సద్గుణమ్మ పేరిట 1.10 ఎకరాలు, అరుణ్ కుమార్ పేరిట 1.08ఎకరాలు అమ్ముకున్నాడన్నారు.
రోడ్డులో పోయిన 22 గుంటల భూమి రికార్డుల్లో అలాగే ఉండడంతో మళ్లీ రిజిస్ట్రేషన్ చేసుకున్నారన్నారు. నాలా కన్వెన్షన్ కూడా లేని ఆ భూమిని కచ్చా లేఔట్ ద్వారా కొనుగోలు చేశారని తెలిపారు. ఇలా తన బంధువులు, తెలిసిన వారి పేరిట భూములు మార్చుకొని కబ్జా చేశారని ఆరోపించారు. ఆధారాలతో సహా నిరూపిస్తే తన పక్కన కూర్చూంటానని ఆయన అనడం హాస్యస్పదంగా ఉందన్నారు. తాను 8 నెలల్లో 65 అక్రమ ఇసుక కేసులు నమోదు చేయించానని, లక్ష్మారెడ్డి పదేండ్లలో ఎన్ని కేసులు నమోదు చేయించారని ప్రశ్నించారు. శివకుమార్, బూర్ల వెంకటయ్య, నిత్యానందం పాల్గొన్నారు.
