టాక్సేషన్ బిల్లుకు పార్లమెంటు ఆమోదం తెలిపింది. యూపీఐ ఛార్జీలపై దేశ వ్యాప్తంగా సస్పెన్స్ కొనసాగుతున్న వేళ.. 2026 ఆగస్టు 10న పన్నుల బిల్లుకు పార్లమెంటు ఆమోదం లభించింది. ఈ సందర్భంగా యూపీఐ ఛార్జీల పెంపుపై కీలక ప్రకటన చేసింది కేంద్రం.
యూపీఐ పేమెంట్స్ కు ఎలాంటి ట్యాక్స్ ఉండదని కేంద్రం తెలిపింది. బిల్లు పాసైన సందర్భంగా కేంద్ర ఆర్థిక మంత్రి నిర్మలా సీతారామన్ ఈ ప్రకటన చేశారు. యూపీఐ ట్రాన్జాక్షన్స్ పై ఎలాంటి ఛార్జీలు ఉండవని ప్రకటించారు. దీంతో కోట్లాది మందికి ఉపశమనం లభించినట్లయింది.
గత వారం లోక్ సభలో పాస్ అయిన బిల్లుకు.. ఇవాళ రాజ్యసభ మూజువాని ఓటుతో ఆమోదం లభించింది. ఈ సందర్భంగా మాట్లాడుతూ, పేమెంట్స్, సెటిల్మెంట్స్ సిస్టమ్స్ కు సంబంధించి చట్టంలోని సెక్షన్ 10Aకు సవరణ కేవలం ఒక నిబంధన మాత్రమేనని ఆర్థిక మంత్రి అన్నారు. ఈ దశలో వినియోగదారులపై మర్చంట్ డిస్కౌంట్ రేట్ (MDR) ఛార్జీని ప్రవేశపెట్టే ఉద్దేశం లేదని అన్నారు.
►ALSO READ | పన్నెండేళ్లలో రూ.10 లక్షల కోట్ల కార్పోరేట్ రుణాలు మాఫీ: ప్రభుత్వ ప్రకటన
పార్లమెంట్ ఆమోదం తర్వాత, నేషనల్ పేమెంట్స్ కార్పొరేషన్ ఆఫ్ ఇండియా (NPCI) UPI , సర్వీసెస్ స్టీరింగ్ కమిటీ MDR ఛార్జీని ప్రవేశపెట్టాలా వద్దా అనే విషయాన్ని పరిశీలిస్తున్నట్లు మంత్రి తెలిపారు. ఏ MDR ఫ్రేమ్వర్క్ కూడా ఖరారు కాలేదని ఆమె చెప్పారు.
