జాతీయస్థాయిలో 8వ స్థానం
జాబితా విడుదల చేసిన కేంద్ర హోంశాఖ
చొప్పదండి, వెలుగు: కేంద్ర హోంశాఖ విడుదల చేసిన దేశంలోని ఉత్తమ పోలీస్స్టేషన్ల జాబితాలో చొప్పదండి టాప్ 8వ స్థానంలో నిలిచిందని చొప్పదండి సీఐ రమేష్, ఎస్సై చేరాలు తెలిపారు. ఉత్తమ పోలీస్స్టేషన్గా నిలవడంతో గురువారం రాత్రి విలేకరుల సమావేశం నిర్వహించారు. ఈ సందర్భంగా వారు మాట్లాడుతూ దేశంలో 15,660 పోలీస్ స్టేషన్లు ఉండగా వాటిలో ఉత్తమ పోలీస్స్టేషన్ల ఎంపికను కేంద్ర హోంశాఖ చేపట్టిందన్నారు. ఇందులో 77 స్టేషన్లు షార్ట్ లిస్ట్ చేసి టాప్టెన్ స్టేషన్ల ఎంపిక కోసం కేంద్ర హోంశాఖ సర్వే నిర్వహించిందన్నారు. సర్వే టీం సభ్యులు స్టేషన్లో కంప్లైంట్లు ఆన్లైన్ చేసే విధానం, రికార్డుల అప్డేట్, స్టేషన్ పరిసరాల్లో చేపడుతున్న గార్డెనింగ్ పనులు, దివ్యాంగులకు సౌకర్యాలు, ఫ్రెండ్లీ పోలీసింగ్, రిసెప్షన్ కౌంటర్, సిబ్బంది నడవడిక, క్రైం జరిగిన వెంటనే డిటెక్ట్ చేసిన విధానాలను పరిశీలించారని తెలిపారు.
దాంతోపాటు స్టేషన్లోని స్టాఫ్ పనితీరుపై అన్ని గ్రామాల్లో ఎంక్వైరీ చేశారని అన్నారు. చివరకు నేషనల్ లెవల్లో చొప్పదండి పోలీస్ స్టేషన్కు 8వ స్థానం కేటాయించారని తెలిపారు. జాతీయస్థాయిలో టాప్టెన్లో నిలిచిన మిగిలిన తొమ్మిది స్టేషన్లు పట్టణాలలో ఉన్నాయని, చొప్పదండి స్టేషన్ మాత్రమే రూరల్ ప్రాంతంలో ఉందని తెలిపారు. ఉత్తమ పోలీస్స్టేషన్ల జాబితాలో తెలంగాణ రాష్ట్రంలోనే చొప్పదండి ఒక్కటే ఎంపికవడం గర్వకారణమన్నారు. స్టేషన్ ఈ ఘనతను సాధించడానికి పోలీస్కమిషనర్ ఎంతో సహకారం అందించారన్నారు.