పాల ధరలు పెంచాలని నిర్ణయించారు మధ్యప్రదేశ్ లోని పాల ఉత్పత్తిదారులు. రత్లాంకు చెందిన రైతులు పాల ధర లీటరుకు రూ.12 చొప్పున పెంచాలని నిర్ణయించారు. గతేడాది లీటర్‌కు రూ.2 పెంచాలని అనుకున్నా… కరోనా కారణంగా పెంచలేకపోయామని తెలిపారు.
ఈ ఏడాది పెట్రోల్‌, డీజిల్‌తో పాటు దాణా ధరలు బాగా పెరిగాయని రైతులు అంటున్నారు. ప్రస్తుతం లీటరు పాలు రూ. 43కు అమ్ముతున్నామని.. మార్చి 1 నుంచి రూ.55 చొప్పున అమ్మాలని నిర్ణయించుకున్నట్లు రైతులు తెలిపారు. రత్లాంలో జరిగిన పాల ఉత్పత్తిదారుల సమావేశంలో..దాదాపు 25 గ్రామాలకు చెందిన రైతులు పాల్గొని ఈ నిర్ణయం తీసుకున్నారు.
