- గుండెని ఆపకుండా ‘నియోకార్డ్’ సర్జరీతో వాల్వ్కు రిపేర్
కొంతమంది గుండె జబ్బు రోగులకు బైపాస్ లేదా ఓపెన్హార్ట్ ఆపరేషన్ తప్ప వేరే ఆప్షన్ ఉండదు. కానీ, అందరూ దానికి తట్టుకోలేరు. మరి, అలాంటి వాళ్లకు వేరే ఆప్షన్ లేదా? అంటే ఉంది అంటున్నారు బ్రిటన్లోని ఎన్హెచ్ఎస్ డాక్టర్లు. ఏ కోత లేకుండానే చెడిపోయిన గుండె వాల్వ్లకు ఆపరేషన్ చేసి, కుట్లు వేయొచ్చంటున్నారు. ఒక్క చిన్న రంధ్రంతో పని కానిచ్చేసేయొచ్చంటున్నారు. దాన్నే నియోకార్డ్ ప్రాసెస్ అని పిలుస్తున్నారు. మామూలుగా అయితే, బైపాస్లోగానీ, ఓపెన్హార్ట్ సర్జరీలోగానీ, గుండెను ఆపేస్తారు. దానికి బయటి నుంచి రక్తాన్ని సరఫరా చేస్తూ ఆపరేషన్ చేస్తారు. కానీ, ఈ పద్ధతిలో ఛాతిపై రెండు ఇంచుల మందం కోసి గుండెకు రంధ్రం చేస్తారు. ఆ రంధ్రం నుంచే గుండెలో చెడిపోయిన వాల్వ్ దగ్గరకు నియోకార్డ్ అనే పరికరాన్ని పంపుతారు. అల్ట్రాసౌండ్ ద్వారా ఆ పరికరాన్ని పంపే దారిని చూస్తారు. వాల్వ్లో చెడిపోయిన రక్తనాళం ప్లేస్లో నియోకార్డ్ ద్వారా కొత్త నాళాలను పెట్టి కుట్లేస్తారు. రక్తం లీకేజీని ఆపుతారు. కేవలం రెండు గంటల్లో ఆపరేషన్ చేయొచ్చని, భవిష్యత్తులో చాలా మందికి ఇది ఉపయోగపడుతుందని డాక్టర్లు చెబుతున్నారు. ప్రస్తుతం లండన్లోని రాయల్ బ్రాంప్టన్ హాస్పిటల్ డాక్టర్లు, 17 మంది రోగులకు ఈ పద్ధతిలో ఆపరేషన్ చేశారు. రోగి ఎక్కువ రోజులు ఆస్పత్రిలో ఉండాల్సిన అవసరం కూడా లేదని ఆస్పత్రి కార్డియాక్ సర్జన్ రష్మీ యాదవ్ చెప్పారు.
