చెన్నై: తమిళనాడులోని మధురైకి చెందిన ఓ బార్బర్ కూతురు ఎం.నేత్ర యునైటెడ్‌ నేషన్స్‌ అసోసియేషన్‌ ఫర్‌ డెవలప్‌మెంట్‌ అండ్‌ పీస్‌(యూఎన్‌ఏడీఏపీ) గుడ్విల్ అంబాసిడర్గా ఎంపికైంది. ఎడ్యుకేషన్ కోసం దాచిన రూ.5 లక్షల నగదును లాక్డౌన్ ఎఫెక్టుతో తీవ్ర ఇబ్బందులు ఎదుర్కొంటున్న కూలీల సాయానికి ఖర్చు చేసేందుకు తండ్రిని ఒప్పించిన నేత్ర.. ఆ నగదుతో పేదలను ఆదుకుంది. నేత్ర చేసిన మంచిపనిని మెచ్చుకునన రాష్ట్ర మంత్రి సెల్లూర్ రాజు.. ఆమెకు జయలలిత అవార్డు ఇవ్వాల్సిందిగా సీఎం పళనిస్వామిని కోరుతానన్నారు. బాలిక దాతృత్వాన్ని కొద్దిరోజుల కిందట మన్కీ బాత్ కార్యక్రమంలో ప్రధాని నరేంద్ర మోడీ మెచ్చుకున్నారు. కష్టపడి కూడబెట్టిన డబ్బును పేదలకోసం ఖర్చు చేసినందుకు అమ్మాయి తండ్రి మోహన్ను ప్రధాని ప్రశంసించారు. జెనీవాలో జరిగే ఐక్యరాజ్యసమితి సమావేశాలలో మాట్లాడేందుకు నేత్రకు అవకాశం ఇవ్వనున్నట్లు ప్రకటించారు. మేము సాధారణ కుటుంబం నుంచి వచ్చాము. ఈ స్థాయి గౌరవం దక్కుతుందని మేము ఊహించలేదు’ అంటూ నేత్ర త్రండి మోహన్ సంతోషం వ్యక్తం చేశారు.
