బెంగళూరుకు చెందిన హిమాన్షుకి సైన్స్ అంటే ఇష్టం. నక్షత్రాలు, పాలపుంత గురించి టీచర్ చెప్తుంటే ఆసక్తిగా వినేవాడు. ఆ ఇష్టంతోనే ఇంజినీరింగ్కి వచ్చాక స్కూల్ పిల్లల కోసం టెలిస్కోప్ తయారుచేశాడు. నక్షత్రాలు, గ్రహాల గురించి మరింత తెలుసుకునేందుకు.. ‘అసోసియేషన్ ఆఫ్ బెంగళూరు అమెచ్యూర్ ఆస్ట్రోనామర్స్’ (ఏబీఏఏ)లో మెంబర్గా చేరాడు. అక్కడ నక్షత్రాల్ని టెలిస్కోప్లో చాలా దగ్గరగా చూశాడు. తను కూడా అలాంటి టెలిస్కోప్ తయారు చేయాలనుకున్నాడు. 4 వారాలు కష్టపడి ‘న్యూటోనియన్ టెలిస్కోప్’ తయారు చేశాడు. ఇదొక రిఫ్లెక్టింగ్ టెలిస్కోప్. దీని ఫోకల్ లెంత్ 35 ఇంచులు. దీనిలో 32ఎం.ఎం, 20 ఎం.ఎం ఆక్యులార్ లెన్స్లు ఉన్నాయి. ఈ టెలిస్కోప్తో శని, బృహస్పతి గ్రహాల చుట్టూ తిరిగే ఉపగ్రహాల్ని చూడొచ్చని చెప్తున్నాడు హిమాన్షు.
స్కూల్లో వర్క్షాప్
‘‘సెప్టెంబర్లో ఇంటిదగ్గర... పీవీసీ పైప్, పారాబోలిక్, ఫ్లాట్ మిర్రర్స్ వాడి టెలిస్కోప్ తయారుచేశా. టెలిస్కోప్ గురించి చెప్పడం కోసం స్కూల్లో వర్క్షాప్ పెట్టా. విడిభాగాలు ఒక్కోటి అమర్చుతూ టెలిస్కోప్ తయారీని వివరించా” అంటున్నాడు హిమాన్షు.