స్టైరిన్ గ్యాస్ భారిన పడి వెంకటాపురంలో 9 మంది చనిపోగా.. 200 మందికి పైగా ఆస్పత్రి పాలయ్యారు. ఆ ప్రాంతమంతా విషవాయువుతో నిండిపోయింది. ఆ గ్యాస్ భారిన పడిన వారిని గుర్తించాలంటే.. వారిలో ఈ లక్షణాలు ఉన్నాయేమో చూడండి.
స్టైరిన్ గ్యాస్ ప్రభావ లక్షణాలు
- చర్మం, కళ్ళు మంటలు రావడం.
- శ్వాస తీసుకోవడంలో ఇబ్బంది కలగడం.
- నోటి నుంచి, ముక్కు నుంచి నురగలు రావడం.
- కండరాల బలహీనత.
- అపస్మారక స్థితికి వెళ్ళడం.
- కేంద్రీయ నాడీ వ్యవస్థ పనితీరు మందగించటం.
- పైన చెప్పిన లక్షణాలు కనిపిస్తే వెంటనే వైద్యం కోసం సంప్రదించండి.
తీసుకోవాల్సిన జాగ్రత్తలు
- బాధితులను ఆ ప్రదేశం నుంచి దూరంగా తీసుకెళ్ళండి.
- కళ్లను, శరీరాన్ని సబ్బు నీటితో కడగండి.
- తడి గుడ్డని మాస్క్ లా కట్టండి.
- బాధితునికి వెంటనే ఆక్సిజన్ అందించగలిగితే ప్రాణాపాయం తక్కువగా ఉంటుంది.
- వీలయితే బాధితుని ఒంటిమీది దుస్తులు మార్చండి.
- విషవాయువు లక్షణాలు కనిపించిన వారి చుట్టూ గుమికూడకుండా.. వారికి గాలి అందేలా చూడండి.
- కంగారుగా పరిగెత్తకుండా.. వాహనాలలో మాత్రమే ప్రయాణం చేయండి.
- అనుక్షణం అప్రమత్తంగా ఉండండి.