- ఎనర్జీ కోసం 100 బిలియన్ డాలర్లు ఇన్వెస్ట్ చేస్తం
- ప్రకటించిన అదానీ గ్రూపు చైర్మన్ గౌతమ్ అదానీ
న్యూఢిల్లీ: క్లీన్ ఎనర్జీ, డేటా బిజినెస్ను మరింత ముందుకు తీసుకెళ్లడానికి అదానీ గ్రూప్ వచ్చే పదేళ్లలో 100 బిలియన్ డాలర్లకు (దాదాపు రూ.8.14 లక్షల కోట్లు) పైగా పెట్టుబడి పెడుతుందని సింగపూర్లో జరిగిన ఫోర్బ్స్ గ్లోబల్ సీఈఓ కాన్ఫరెన్స్లో సంస్థ చైర్మన్గౌతమ్ అదానీ చెప్పారు. గ్రీన్ హైడ్రోజన్ కారణంగా భారతదేశం ఏదో ఒక రోజు నికర ఇంధన ఎగుమతిదారుగా మారుతుందని అన్నారు. అదానీ ప్రపంచంలోనే మూడవ అత్యంత సంపన్నుడనే విషయం తెలిసిందే. ఈ పెట్టుబడిలో 70 శాతం మొత్తాన్ని ఎనర్జీ ట్రాన్సిషన్రంగం కోసం ఖర్చు చేస్తారు. మిగతాది డేటా, ఇతర సెగ్మెంట్ల కోసం వాడుతారు. ఈ గ్రూపు 45 గిగావాట్ల హైబ్రిడ్ రెన్యువల్కరెంటు ఉత్పత్తి సామర్థ్యాన్ని టార్గెట్గా పెట్టుకుంది. సోలార్ ప్యానెల్లు, విండ్ టర్బైన్లు, హైడ్రోజన్ ఎలక్ట్రోలైజర్లను తయారు చేయడానికి 3 గిగా ఫ్యాక్టరీలను నిర్మిస్తుంది. ఇప్పటికే ప్రపంచంలోనే అతిపెద్ద సోలార్ సంస్థగా ఎదిగామని, ఈ బిజినెస్ను మరింత ముందుకు తీసుకెళ్లాలని అనుకుంటున్నామని అదానీ చెప్పారు. గ్రీన్ హైడ్రోజన్ ఆధారిత బిజినెస్/ వాల్యూ చెయిన్లో 70 బిలియన్ డాలర్లను పెట్టుబడి పెడతామని వెల్లడించారు. పలు కంపెనీలను దక్కించుకోవడం, డైవర్సిఫికేషన్ కారణంగా కంపెనీ మార్కెట్ క్యాప్ ఇప్పుడు 260 బిలియన్ డాలర్లకు చేరుకుంది.
భారతదేశంలోని మరే కంపెనీ కూడా ఇంతకంటే వేగంగా వృద్ధి చెందలేదు. అదానీ గ్రూపుకు సీపోర్టులు, ఎయిర్పోర్టులు, గ్రీన్ ఎనర్జీ, సిమెంట్, డేటా సెంటర్, ఎఫ్ఎంసీజీ వంటి వ్యాపారాలు ఉన్నాయి. లిస్టెడ్ కంపెనీల మొత్తం మార్కెట్ క్యాపిటలైజేషన్ 260 బిలియన్ డాలర్లకు పెరిగింది. "మా ప్రస్తుత 20 గిగావాట్ల రెన్యువల్ పోర్ట్ఫోలియోతో పాటు, లక్ష హెక్టార్ల భూమిలో మరో 45 గిగావాట్ల హైబ్రిడ్ రెన్యువల్ పవర్ను తయారు చేస్తాం. ఈ జాగా సింగపూర్ విస్తీర్ణం కంటే 1.4 రెట్లు ఎక్కువ. మొత్తం మూడు మిలియన్ మెట్రిక్ టన్నుల గ్రీన్ హైడ్రోజన్ తయారీసాధ్యమవుతుంది" అని ఆయన చెప్పారు. క్లీన్ ఎనర్జీ కోసం కంపెనీ మూడు గిగా ఫ్యాక్టరీలను కూడా నిర్మిస్తుంది. - వీటిలో10 గిగావాట్ల సిలికాన్ ఆధారిత ఫోటోవోల్టాయిక్ వాల్యూ చెయిన్ కోసం ఒకటి ఉంటుంది. మరో 10 గిగావాట్ల ఇంటిగ్రేటెడ్ విండ్ -టర్బైన్ తయారీ ఫెసిలిటీనీ, 5 గిగావాట్ల హైడ్రోజన్ ఎలక్ట్రోలైజర్ ఫ్యాక్టరీని కూడా నిర్మిస్తారు. - గ్రీన్ ఎలక్ట్రాన్ను అతి తక్కువ ఖర్చుతో తయారు చేస్తున్న కంపెనీల్లో ఒకటిగా ఎదిగామని, - గ్రీన్ హైడ్రోజన్ను కూడా చౌకగా తయారు చేస్తామని అదానీ వివరించారు.