గూగుల్కు పోటీగా కృత్రిమ మేధస్సుతో కూడిన సెర్చ్ ఇంజిన్ చాట్ జీపీటీ ఏఐ త్వరలో ఆవిష్కరించనున్నట్లు ఓపెన్ ఏఐ ఇటీవల ప్రకటించింది. ఇంటర్నెట్లో ఏ విషయం వెతకాలన్నా గూగుల్ను ఆశ్రయిస్తాం. ఒక సెర్చ్ ఇంజిన్గా గత మూడు దశాబ్దాలుగా గూగుల్ తన ఆధిపత్యాన్ని కొనసాగిస్తున్నది. ఈ ప్లాట్ఫామ్ను కంపెనీ నిత్యం అప్గ్రేడ్ చేస్తూ వస్తోంది.
అయితే, ఏఐ సామర్థ్యాలతో చాట్జీపీటీ, చాట్బోట్ మార్కెట్లోకి రావడంతో గూగుల్ ఆధిపత్యానికి గండిపడింది. ఓపెన్ ఏఐ తన చాట్బోట్కు లభించిన జనాదరణ చూశాక గూగుల్కు పోటీగా ఏఐ సెర్చ్ ఇంజిన్ను తీసుకువస్తోంది. ఇది ఇంటర్నెట్లోని సమాచారమంతా మనముందు ఉంచేలా చేయడంతోపాటు నెటిజన్కు ఒక సరికొత్త అనుభూతిని కలిగించనుంది.
