దర్శకుడు పూరి జగన్నాథ్ టాలీవుడ్ కి పరిచయం చేసిన హీరోయిన్లలో అనన్య పాండే ఒకరు. విజయ్ దేవరకొండతో నటించిన ‘లైగర్’ ఈ స్లిమ్ బ్యూటీకి సక్సెస్ను ఇవ్వలేకపోయింది. ‘ఆషికి 2’ సినిమా హీరో ఆదిత్యరాయ్ కపూర్తో అనన్య డేటింగ్లో ఉందంటూ బాలీవుడ్లో టాక్ నడుతస్తోంది. కృతి సనన్ ఇచ్చిన పార్టీలో వీరిద్దరూ సన్నిహితంగా కనిపించడంతో ఈ రూమర్లు మొదలయ్యాయి. ఇద్దరూ కలిసి పార్టీలకు వెళ్లడం, ఆదిత్య ‘గుమ్రాహ్’ అనే సినిమా ప్రీమియర్లో అనన్య అతడికి సపోర్ట్గా కనిపించడం వంటివి ఈ వార్తలకు బలం చేకూర్చాయి.
తాజాగా ఈ విషయంపై ఆమె తల్లి భావన క్లారిటీ ఇచ్చింది. అవన్నీ పుకార్లేనని కొట్టిపారేసింది. ‘‘గ్లామర్ ఇండస్ట్రీలో ఇలాంటి రూమర్లు రావడం కామన్. కానీ, అనన్య ఇంకా సింగిల్ గానే ఉంది. ఎవరితోనూ రిలేషన్లో లేదు. ఇండస్ట్రీలో ఫేమ్తో పాటుగా నెగిటివిటీని కూడా భరించాల్సి ఉంటుంది. పాజిటివిటీపైనే మేం దృష్టి పెడతాం’’ అంటూ ఆమె తెలిపింది.
