- గంటకు 50 కి.మీ స్పీడ్తో గాల్లో దూసుకుపోవచ్చు
- 15 మీటర్ల ఎత్తు ఎగిరి.. 8 నిమిషాలు గాల్లోనే ఉండొచ్చు
- సూట్లో 5 గ్యాస్ టర్బైన్ జెట్ ఇంజిన్లు
- గ్యాస్, డీజిల్, కిరోసిన్లలో దేనితోనైనా నడిచేలా తయారీ
- 48 సూట్స్కొనుగోలుకు రక్షణ శాఖ రెడీ
హీ మ్యాన్.. సూపర్ మ్యాన్లా భారత సైనికులు గాల్లో చక్కర్లు కొట్టే రోజులు ఎంతోదూరంలో లేవు. ఇందుకోసం రక్షణ శాఖ అన్ని ఏర్పాట్లు చేస్తోంది. ఫాస్ట్ ట్రాక్ ప్రాతిపదికన మన సైనికులకు జెట్ ప్యాక్ సూట్స్ను అందుబాటులోకి తెచ్చేందుకు కసరత్తు చేస్తోంది. తొలివిడతగా 48 జెట్సూట్స్కు ఆర్డర్స్ ఇచ్చేందుకు సిద్ధమైంది. జెట్ సూట్స్ను తయారుచేసి, ఆర్మీకి సప్లై చేసేందుకు ఆసక్తి కలిగిన భారత కంపెనీలు ఈ నెల 14లోగా బిడ్స్ను దాఖలు చేయొచ్చంటూ జాతీయ మీడియాలో కథనాలు వచ్చాయి. ఈనేపథ్యంలో జెట్ సూట్స్కు సంబంధించిన ఇంట్రెస్టింగ్ విశేషాలను తెలుసుకుందాం..
మన సైనికులకు ఇవ్వబోతున్న జెట్ సూట్స్ ఎలా ఉంటాయి ? ఎలా పనిచేస్తాయి ? వాటిని ధరించి ఎలా ఎగురుతారు ? ధర ఎంత ? అనే అంశాలపై ఇప్పుడు ఆసక్తికర చర్చ జరుగుతోంది. ఈ జెట్ సూట్లో 5 గ్యాస్ టర్బైన్ జెట్ ఇంజిన్లుఅమర్చి ఉంటాయి. వీటిని గ్యాస్, డీజిల్, కిరోసిన్ లలో వేటితోనైనా నడపొచ్చు. ఈ 5 ఇంజిన్లు కలిసి 1000 హార్స్ పవర్ శక్తిని ఉత్పత్తి చేస్తాయి. ఈ శక్తిని వినియోగించుకొని జెట్ సూట్నేల నుంచి నింగి వైపు దూసుకెళ్తుంది. దీనిలో 10 నుంచి 15 మీటర్ల ఎత్తుకు ఎగిరి.. గాల్లోనే దాదాపు 8 నిమిషాల పాటు ఉండొచ్చు. ఆ తర్వాత ల్యాండింగ్ కావాల్సి ఉంటుంది. గాల్లో ఎగిరే క్రమంలో సూట్లో ఉన్న చేతులను కదపడం ద్వారా ఎటువైపు వెళ్లాలనే డైరెక్షన్ను ఇవ్వొచ్చు. దాని ఆధారంగా సూట్ ధరించిన వాళ్లు చూపించిన వైపే ప్రయాణం సాగుతుంది. గంటకు 50 కిలోమీటర్ల వేగంతో ఇలా జర్నీ చేయొచ్చు. 3000 మీటర్ల ఎత్తున్న ప్రదేశాల్లోనూ ఈ జెట్ సూట్స్ ధరించి ధైర్యంగా ఎగరొచ్చని రక్షణ రంగ నిపుణులు చెబుతున్నారు. అందుకే వీటిని తొలుత సియాచిన్ గ్లేసియర్ వంటి అత్యంత ఎత్తైన సరిహద్దు ప్రాంతాల్లో సేవలందిస్తున్న సైనికులకు అందించాలని రక్షణశాఖ భావిస్తోందట.
ఎగురుతూ ఫైరింగ్ చేసేలా ఛేంజెస్ ?
అయితే ఎగిరేటప్పుడు చేతులు ఈ సూట్ లోపలే ఉండిపోతాయి. అత్యవసర సందర్భాల్లో సూట్ నుంచి చేతులను బయటకు తీసి.. గన్ తో ఫైరింగ్ జరిపే వెసులుబాటు కల్పించేలా అందులో మార్పులు చేయాలని తయారీ కంపెనీలను రక్షణశాఖ కోరే అవకాశం ఉంది. ఒక్కో సూట్ ధర రూ.4 కోట్ల దాకా ఉండొచ్చని అంచనా వేస్తున్నారు. జెట్ సూట్ బరువు 40 కేజీలకు మించి ఉండకపోవచ్చని.. 80 కేజీల బరువున్న వ్యక్తి కూడా కంఫర్టబుల్గా ఎగిరేలా ఉంటుందని అంటున్నారు. ఈ సూట్ నలుపు రంగులో ఉండొచ్చని.. దీంతోపాటు ఒక అట్రాక్టివ్ అండ్ సేఫ్ హెల్మెట్ ను కూడా ధరించాల్సి ఉంటుందని చెబుతున్నారు. ఈ జెట్ ప్యాక్ సూట్ లను కొనగానే ఉత్తరప్రదేశ్లోని ఆగ్రాలో ఉన్న రక్షణ శాఖకు చెందిన సెంట్రల్ ఆర్డినెన్స్ డిపోకు అందించనున్నట్లు తెలుస్తోంది. దేశ సరిహద్దులు, నదులు, లోయలు, కొండలు, పర్వతాలు, ఎడారులు, ఉగ్రవాద ప్రభావిత ప్రాంతాల్లో సహాయక చర్యలు, సెర్చ్ ఆపరేషన్స్, నిఘా, సైనిక అవసరాల కోసం జెట్ సూట్స్ను వాడాలని భావిస్తున్నారు. కనిష్టంగా మైనస్ -150 డిగ్రీల సెల్సీయస్ నుంచి మైనస్ -100 డిగ్రీల సెల్సీయస్ చల్లటి వాతావరణంలో .. గరిష్టంగా 400 డిగ్రీల సెల్సీయస్ నుంచి
450 డిగ్రీల సెల్సీయస్ ఎండల్లోనూ ఈ సూట్స్ బాగా పనిచేస్తాయి. విమానాన్ని నడిపే శిక్షణ పూర్తి చేసుకోవడానికి కనీసం ఏడాది టైం పడుతుంది. అయితే జెట్ సూట్ ధరించి ఎలా ఎగరాలో నేర్చుకునేందుకు ఒక్క రోజు చాలట. ఫాస్ట్గా ఉండేవాళ్లయితే కొన్ని గంటల్లోనే నేర్చుకోగలుగుతారని చెబుతున్నారు.
బ్రిటన్, అమెరికా నేవీ వద్ద జెట్ సూట్స్..
ఇప్పటికే బ్రిటన్, అమెరికా నౌకాదళ సిబ్బంది జెట్ సూట్స్ను అత్యవసర పరిస్థితుల్లో వినియోగిస్తున్నారు. ప్రస్తుతం ఈ సూట్స్తయారీలో వరల్డ్ ఫేమస్ కంపెనీ ‘గ్రావిటీ ఇండస్ట్రీస్’. బ్రిటన్ కు చెందిన అథ్లెట్ రిచర్డ్ బ్రౌనింగ్ ఈకంపెనీని నెలకొల్పారు. ఆయన 2016లో ఒక జెట్ సూట్ను తయారు చేశారు. దాని పేరు ‘డెడాలస్ ఫ్లైట్ ప్యాక్’. గ్రీకు పురాణాల్లో ‘డెడాలస్’ అనే పాత్ర ఉంటుంది. ఆ పాత్రను జ్ఞానానికి ప్రతీకగా భావిస్తారు. అందుకే జెట్సూట్కు ఆ పేరు పెట్టారు. ఈ కంపెనీ చాలా దేశాల సైన్యాలకు
జెట్ సూట్స్ను సప్లై చేస్తోంది.
సూట్స్ తయారీ కంపెనీకి షరతులివీ..
- జెట్ సూట్స్ తయారు చేసి, ఆర్మీకి సప్లై చేసేందుకు ఆసక్తి చూపే కంపెనీల ఎంపిక కోసం రక్షణ శాఖ పలు
- నిబంధనలు పెట్టింది. వాటన్నింటి ఫాలో అయ్యే కంపెనీకే బిడ్స్ కేటాయించనున్నారు.
- ఫస్ట్ ప్రయారిటీ ఇండియా కంపెనీలకే ఇవ్వనున్నారు.
- ఒరిజినల్ ఎక్విప్మెంట్ తయారీదారులు, ఆథరైజ్డ్ వెండర్లు, గవర్నమెంట్ స్పాన్పర్ చేస్తున్న ఎక్స్ పోర్ట్ ఏజెన్సీలు మాత్రమే ఇందుకు బిడ్స్ సబ్మిట్ చేయాలి.
- జెట్ సూట్స్ తయారీ కోసం వాడే పరికరాల్లో, మెటీరియల్ లో 60 శాతం మేడ్ ఇన్ ఇండియావే వాడాలనే నిబంధన కూడా ఉంది.
- జెట్ సూట్స్ తయారు చేసే కంపెనీ.. వాటిని మూడేళ్ల వారంటీపై సప్లై చేయాల్సి ఉంటుంది.
- జెట్ సూట్స్కు కనీసం పదేండ్లు సర్వీసింగ్ఇవ్వాలి.
- సూట్స్ వినియోగంపై సైనికులకు ట్రైనింగ్ కూడా ఇవ్వాలి.
