బర్త్డే పార్టీలో విషాదం
పరారీలో నిందితుడు
నర్సంపేట, వెలుగు: బర్త్డే వేడుకల్లో అపశృతి దొర్లింది. పార్టీకి వచ్చిన ఫ్రెండ్స్మధ్య మాటామాటా పెరిగి జరిగిన వాగ్వాదం ఓ ఆర్మీ జవాన్ హత్యకు దారితీసింది. ఎస్సై నాగనాథ్వివరాల ప్రకారం నర్సంపేట పట్టణానికి చెందిన హన్మకొండ ప్రేమ్కుమార్(29) జమ్ముకాశ్మీర్ లో ఎస్ఎస్ బీ కానిస్టేబుల్ గా చేస్తున్నారు. మూడు రోజుల క్రితం సెలవులపై ఇంటికి వచ్చారు. శనివారం రాత్రి 11 గంటలకు ఫ్రెండ్బర్త్డేకి వెళ్లారు. అప్పటికే మద్యం తాగిన బత్తుల రాకేశ్ తోపాటు దూదిమెట్ల దిలీప్, బీరం భరత్ రెడ్డి, దూదిమెట్ల నాగరాజు, ఎస్కే బబ్లూ, బత్తుల రాజు గొడవ పడుతున్నారు. వారిని అడ్డుకునే ప్రయత్నం చేస్తుండగా దూదిమెట్ల దిలీప్కత్తితో ప్రేమ్కుమార్గుండెపై పొడిచాడు.
రక్తపు మడుగులో ఉన్న ప్రేమ్ కుమార్ను మొదట నర్సంపేట హాస్పిటల్కు, అనంతరం ఎంజీఎంకు అక్కడి నుంచి హైదరాబాద్కు తరలిస్తుండగా మార్గమధ్యలో మృతిచెందాడు. ప్రేమ్కుమార్తండ్రి రమేశ్ఫిర్యాదు మేరకు కేసు నమోదు చేశామని, నిందితుడు పరారీలో ఉన్నాడని ఎస్సై తెలిపారు. మృతునికి భార్యతో పాటు ఇద్దరు కవల పిల్లలు ఉన్నారు. బీటెక్చదువుతున్న దిలీప్దగ్గర కత్తి ఎందుకు ఉందనే కోణంలో పోలీసులు దర్యాప్తు చేస్తున్నారు.