ఇటీవలే గర్భవతి అయిన హీరోయిన్ ఇలియానా డి క్రజ్ తన మిస్టరీ మ్యాన్‌కి సంబంధించిన మరో ఫొటోను అభిమానులతో పంచుకుంది. తన ఇన్‌స్టాగ్రామ్ స్టోరీస్‌లో ఆ వ్యక్తి, కుక్కపిల్లను పట్టుకున్నట్టుగా ఉన్న ఓ పిక్ ను ఆమె షేర్ చేసింది. ఇలియానా ఆ వ్యక్తి ఫోటోను షేర్ చేసింది కానీ అతని ముఖాన్ని మాత్రం చూపించకుండా జాగ్రత్తపడింది. దాంతో పాటు అతను తన కుక్కను ప్రేమిస్తున్నాడని ఆమె ఫొటోలో రాసుకొచ్చింది.
ఈ ఫొటోలో ఆ వ్యక్తి ముఖం కనిపించకుండా కుక్కకు ముద్దులు పెట్టడం కనిపించింది. ఈ ఫొటోను పంచుకుంటూ, "కుక్కపిల్లపై ప్రేమ" అని రాసుకొచ్చింది, మరొక ఫోటోలో.. ఆమె వారి కోసం డిన్నర్ రెడీ చేసినట్టు వెల్లడించింది, ఈ ఫొటోలో ఆమె తన బేబీ బంప్‌ను స్పష్టంగా చూపించింది.
ఇలియానా తాను భోజనం వండేటప్పుడు పూర్తిగా తెల్లటి దుస్తులను ధరించినట్లు వెల్లడించింది. " సెల్ఫ్ నోట్.. టమాటో సాస్ వండేటప్పుడు తెల్లటి పైజామా ధరించాలనుకోకండి" అని ఆమె తన టొమాటో ప్యాచ్‌ల ఫొటోను షేర్ చేస్తూ రాసుకొచ్చింది. ప్రస్తుతం ఈ ఫొటోలు వైరల్ గా మారాయి.
