జూబ్లీహిల్స్, వెలుగు: జూబ్లీహిల్స్ పోలీస్ స్టేషన్ పరిధిలో ఓ వ్యక్తి సెల్ఫీ వీడియో తీసుకుని సూసైడ్ చేసుకున్నాడు. పోలీసులు తెలిపిన ప్రకారం.. రాజస్థాన్కు చెందిన సవాయి సింగ్కు టాలీవుడ్ , బాలీవుడ్ సినిమాల్లో నటిస్తున్న సోహాని కుమారితో ఇన్స్టాగ్రామ్లో పరిచయం ఏర్పడింది. ఇద్దరు ప్రేమించుకున్నారు. ఇటీవల నిశ్చితార్థం జరిగింది.
కొంతకాలంగా జూబ్లీహిల్స్ పోలీస్ స్టేషన్ పరిధిలోని ప్రశాసన్ నగర్లో ఓ ఫ్లాట్ అద్దెకు తీసుకొని కలిసి జీవిస్తున్నారు. సవాయి సింగ్కు గతంలోనే ఓ ప్రియురాలు ఉంది. ఆమెను మోసం చేశానన్న బాధతో ‘నేను తప్పు చేశా.. తప్పు చేసినందుకు ఇబ్బందులు పడుతున్నా’ అంటూ సెల్ఫీ వీడియో తీసుకున్నాడు. ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకున్నాడు. సోహాని కుమారి ఫిర్యాదు మేరకు కేసు దర్యాప్తు చేస్తున్నట్లు పోలీసులు పేర్కొన్నారు.
