అచ్చంపేట, వెలుగు: కరోనా బారిన పడిన నిండు గర్భిణిని 108లో హాస్పిటల్కు తరలిస్తుండగా దారిలోనే ప్రసవించింది. అంబులెన్స్సిబ్బంది రిస్క్తీసుకుని డెలివరీ చేశారు. ఈ సంఘటన నాగర్కర్నూల్ జిల్లా బల్మూర్ మండలంలో జరిగింది. గట్టు తుమ్మెన్గ్రామానికి చెందిన భాగ్యలక్ష్మి నిండు గర్భిణి. గురువారం ఉదయం పురిటి నొప్పులు రావడంతో కుటుంబ సభ్యులు అచ్చంపేట సివిల్ హాస్పిటల్కు తీసుకెళ్లారు. కరోనా టెస్టు చేయగా పాజిటివ్అని తేలింది. దీంతో అక్కడి డాక్టర్లు హైదరాబాద్తీసుకెళ్లండని చెప్పారు. 108లో తరలిస్తుండగా కల్వకుర్తి సమీపంలోకి రాగానే నొప్పులు ఎక్కువయ్యాయి.దాంతో వెహికల్ను పక్కకి ఆపి ఈఎంటీ బాలస్వామి, పైలట్ నవీన్ రిస్క్ తీసుకుని డెలివరీ చేశారు. భాగ్యలక్ష్మి ఆడ పిల్లకు జన్మనిచ్చింది. తల్లి, బిడ్డ క్షేమంగా ఉన్నట్లు బాలస్వామి తెలిపారు. ఈ సందర్భంగా పేషెంట్ కుటుంబ సభ్యులు అంబులెన్స్సిబ్బందికి థ్యాంక్స్చెప్పారు.
