పెంపుడు జంతువులని ప్రేమగా చూసుకోవడం ఎంత ముఖ్యమో వాటికి సరైన తిండి పెట్టడం కూడా అంతే ముఖ్యం. అయితే పెట్స్కి రెడీమెడ్ ఫుడ్ కాకుండా కొంతమంది ఇంట్లో నూనెతో వండిన ఫుడ్ పెడుతుంటారు. దాంతో ఆ ఫుడ్ అరగక అవి ఇబ్బంది పడతాయి. అంతేకాదు వాటికి ఎలర్జీలతో పాటు ఇతర జబ్బులు కూడా వచ్చే అవకాశం ఉంది. అందుకని ఫుడ్ వండేటప్పుడు ఎలాంటి నూనె వాడుతున్నారు అనేది చాలా ముఖ్యం అంటున్నారు వెటర్నరీ డాక్టర్ దిలీప్ సోనునే.
- పెట్స్కోసం వండేటప్పుడు ఇంట్లో ఉపయోగించే నూనె వాడొద్దు. ముఖ్యంగా కొన్ని జాతులకు చెందిన పెంపుడు కుక్కలకు వాటికి సరిపడే ఫుడ్ మాత్రమే పెట్టాలి. వాటికోసం ఒమెగా–3, ఒమెగా–6 లేదా ఒమెగా–9 ఫ్యాటీ యాసిడ్స్ ఉన్న నూనె వాడాలి.
- ఆలివ్ ఆయిల్తో వండిన ఫుడ్ తినిపిస్తే పెట్స్ చర్మం హైడ్రేట్గా ఉంటుంది. వాటి ఇమ్యూనిటీ కూడా పెరుగుతుంది. ఒమెగా–3, ఒమెగా–6 ఫ్యాటీ యాసిడ్స్ని అరిగించుకోలేని పెట్స్కి ఆలివ్ ఆయిల్ బెస్ట్ ఆప్షన్.
- ఫిష్ ఆయిల్లో ఇకొసపెంటనోయిక్ యాసిడ్ (ఇపిఎ), డైహైడ్రాక్సీ అసిటోన్ ( డిహెచ్ఎ) వంటి ఒమెగా ఫ్యాటీ యాసిడ్స్ ఉంటాయి. ఇవి పెట్స్లో ఇన్ఫ్లమేషన్ వల్ల వచ్చే ఎలర్జీలను తగ్గిస్తాయి. వాటికి చుండ్రు రాకుండా, చర్మం దురద పెట్టకుండా చేస్తాయి. అందుకని పెట్స్కి ఫిష్ ఆయిల్ ట్యాబ్లెట్లు ఇవ్వాలి. అవి తినే ఫుడ్ మీద కొంచెం ఫిష్ ఆయిల్ చల్లినా సరిపోతుంది.
- పెట్స్కు ఫుడ్ అరగకపోతే వంట కొబ్బరినూనెతో వండిన ఫుడ్ పెట్టాలి. దాంతో సమస్య తగ్గుతుంది. ఈ ఫుడ్ తింటే వాటి నోటి నుంచి వచ్చే చెడు వాసన కూడా పోతుంది. అయితే ఆర్గానిక్ లేదా గానుగ పట్టించిన కొబ్బరి నూనె వాడటం బెటర్.
- సన్ఫ్లవర్ ఆయిల్లో ఒమెగా–6 ఫ్యాటీ యాసిడ్స్ ఉంటాయి. ఇవి పెట్స్ చర్మాన్ని, గుండెని ఆరోగ్యంగా ఉంచుతాయి.