కెరీర్‌ స్టార్ట్ చేశాక అతి తక్కువ సమయంలోనే ప్యాన్ ఇండియా సినిమా చేసే చాన్స్ కొట్టేసింది అనన్యా పాండే. ఐదు భాషల్లో రానున్న ‘లైగర్’లో విజయ్ దేవరకొండకి జోడీగా కనిపించనుంది. ‘ఖోగయే హమ్ కహా’ అనే హిందీ సినిమాలోనూ నటిస్తోంది. ప్రస్తుతం ఈ రెండు చిత్రాలకీ పని చేస్తూ డబుల్ డ్యూటీ చేస్తోంది అనన్య. ‘లైగర్’ షూటింగ్ ఇప్పటికే పూర్తయ్యింది. రీసెంట్‌‌‌‌గా డబ్బింగ్ చెప్పడం స్టార్ట్ చేసింది. మరోవైపు ‘ఖోగయే’ షూటింగ్ ఈమధ్యనే స్టార్టయ్యింది. దాంతో అటు డబ్బింగ్ చెబుతూ ఇటు షూట్‌‌‌‌లో పాల్గొంటూ బిజీగా ఉందామె. త్వరలో ఓ అవార్డ్ ఫంక్షన్‌‌‌‌లో పర్‌‌‌‌‌‌‌‌ఫార్మ్ చేయాల్సి ఉండటంతో ఆ రిహార్సల్స్ కూడా చేస్తోందట. వీటన్నింటినీ చక్కగా బ్యాలెన్స్ చేస్తోందని, ఒక్కసారి కూడా ఏ వర్క్కీ ఆలస్యంగా వెళ్లడం కానీ, ఆమె వల్ల షెడ్యూల్ డిస్టర్బ్ అవడం కానీ, వాయిదా పడటం కానీ జరగలేదని అంటున్నాయి టీమ్స్. అనన్యకి డెడికేషన్ చాలా ఎక్కువని, పని తర్వాతే ఏదైనా అంటుందని, ఎంత పనయినా విసుగు లేకుండా చేస్తుందని, బెస్ట్ ఇవ్వడానికి తపన పడుతుందని అందరూ పొగిడేస్తున్నారు కూడా. ఇలా కష్టపడిన వాళ్లెవరైనా మంచి స్థాయికే వెళ్తారు. మరి అనన్య ఏ రేంజ్‌‌‌‌కి వెళ్తుందో చూడాలి.
