వెరియో ఫ్లెక్స్ గ్లూకోమీటర్
వాస్తవానికి గ్లూకోమీటర్లు ఎన్నో ఏండ్ల నుంచి అందుబాటులో ఉన్నాయి. కానీ.. వాటినే కొత్త టెక్నాలజీతో అప్గ్రేడ్ చేస్తూ వస్తున్నారు. అలా వచ్చిందే వన్ టచ్ కంపెనీ తెచ్చిన ఈ స్మార్ట్ గ్లూకో మీటర్. వన్ టచ్ వెరియో ఫ్లెక్స్ గ్లూకోమీటర్ వాడడం చాలా ఈజీ. ఇది కచ్చితమైన రిజల్ట్స్ ఇస్తుంది. అంతేకాదు.. గ్లూకోజ్ రీడింగ్లను వన్ టచ్ రివీల్ మొబైల్ యాప్లో చూపిస్తుంది. దీంతో టెస్ట్ చేసుకోవాలంటే.. ముందుగా టెస్ట్ స్ట్రిప్పై ఒక చుక్క రక్తం వేయాలి. తర్వాత ఆ స్ట్రిప్ని మీటర్లోకి చొప్పించాలి. ఐదు సెకన్లలోనే రిజల్ట్ వచ్చేస్తుంది.
కనెక్టెడ్ సీజీఎం -ఇన్సులిన్ పంపులు
షుగర్ పేషెంట్ల కోసం వచ్చిన మరో బెస్ట్ గాడ్జెట్ ఇది. ఇందులో సీజీఎంతోపాటు -ఇన్సులిన్ పంప్ కూడా ఇన్బిల్ట్గా ఉంటుంది. ఇందులో ఇన్సులిన్ పంప్ ఇన్సులిన్ మోతాదులో మార్పులు చేసుకునేందుకు సీజీఎంతో కలిసి పనిచేస్తుంది. గ్లూకోజ్ లెవల్స్ని బట్టి, అవసరమైన సర్దుబాట్లు చేసుకుంటుంది. ఇన్సులిన్ పంప్ని దాన్ని పెట్టుకున్న వ్యక్తి అవసరాలను తీర్చడానికి సరిపోయేలా ప్రోగ్రామ్ చేస్తారు. ఒక చిన్న ప్లాస్టిక్ ట్యూబ్(కాన్యులా)ని చర్మంలోని కణజాలంలోకి చొప్పిస్తారు. ఇది పంపులోని రిజర్వాయర్కు కనెక్ట్ చేసి ఉంటుంది. దీన్ని ప్రతి రెండు మూడు రోజులకు ఒకసారి మార్చాలి. సీజీఎం నుంచి సిగ్నల్ అందిన వెంటనే బాడీలోకి ఇన్సులిన్ని పంపు చేస్తుంది.
కీటోన్ మానిటర్
మధుమేహంతో బాధపడుతున్న వాళ్లలో లివర్లో ఎక్కువ కీటోన్లు విడుదల అవుతుంటాయి. దాంతో రక్తం ఎసిడిక్(ఆమ్లం)గా మారుతుంది. దీన్ని డయాబెటిక్ కీటోయాసిడోసిస్ అని పిలుస్తారు. ఇది డయాబెటిక్ కోమాకు దారితీస్తుంది. కొన్నిసార్లు పేషెంట్లు చనిపోయే ప్రమాదం కూడా ఉంది. ప్రత్యేకించి టైప్–2 షుగర్ ఉన్నవాళ్లకు ఈ సమస్య ఎక్కువగా ఉంటుంది. అందుకే అలాంటివాళ్లు కీటోన్ల ప్రొడక్షన్ని కూడా ట్రాక్ చేసుకుంటుండాలి. అందుకోసం చాలా కంపెనీలు కీటోన్ బ్రీత్లైజర్ని మార్కెట్లోకి తీసుకొచ్చాయి. అయితే.. దీనికంటే.. రక్తం, మూత్రంతో చేసే టెస్ట్లు మరింత ఆక్యురేట్గా ఉంటాయని ఎక్స్పర్ట్స్ అంటున్నారు.
ఫుడ్కేట్
డయాబెటిస్ ఉన్నవాళ్లందరికీ ఫుడ్కేట్ బెస్ట్ మొబైల్ అప్లికేషన్. ఈ అప్లికేషన్లో ఫుడ్లోని పోషక విలువల గురించిన పూర్తి ఇన్ఫర్మేషన్ ఉంటుంది. అంతేకాదు.. ఏ ఫుడ్ బెస్ట్ అనేది కూడా తెలుసుకోవచ్చు. ఈ యాప్లో ఉన్నట్టుగా ఫుడ్ హ్యాబిట్స్ని పూర్తిగా మార్చుకోగలిగితే.. షుగర్ని కొంతవరకు కంట్రోల్ చేసుకోవచ్చు. ఈ యాప్ ద్వారా ఏం తినాలి? ఏం తినకూడదు? అనేది స్పష్టంగా తెలుస్తుంది. ఏ ఫుడ్లో ఎంత షుగర్ ఉందో కూడా ఈ యాప్లో తెలుసుకోవచ్చు. ఐఫోన్, ఆండ్రాయిడ్ ఫోన్లకు ఈ యాప్అందుబాటులో ఉంది.
డయాబెటిస్: ఎం
డయాబెటిస్ ఉన్నవాళ్ల అన్ని అవసరాలను ఈ యాప్తో ట్రాక్ చేసుకోవచ్చు. ఈ అప్లికేషన్ ఐఫోన్, ఆండ్రాయిడ్ ఫోన్లకు అందుబాటులో ఉంది. ఇందులో మందులు వేసుకోవాల్సిన టైం, షుగర్ టెస్టింగ్ రిమైండర్, బ్లడ్లో షుగర్ లెవల్స్ లాగ్ను ట్రాక్ చేయొచ్చు. షుగర్ కంట్రోల్లో ఉంచుకోవడానికి పాటించాల్సిన చిట్కాలు కూడా తెలుసుకోవచ్చు.
మై ఫిట్నెస్ పాల్
హెల్త్ రిలేటెడ్ యాప్స్లో ఇది కూడా ఒకటి. బయట ఫుడ్ తినాల్సి వచ్చినప్పుడు.. ఆ ఫుడ్ ప్యాకెట్ మీద ఉన్న బార్ కోడ్ని ఈ యాప్లో స్కాన్ చేస్తే.. ఆ ఫుడ్లోని న్యూట్రియెంట్ వాల్యూస్ తెలిసిపోతాయి. లేదా ఫుడ్ని ఫొటో తీసి అప్లోడ్ చేసినా.. అందులోని న్యూట్రియెంట్ వ్యాల్యూస్ని దాదాపుగా చెప్పేస్తుంది. అంతేకాదు.. రోజులో ఎంత తినాలి? ఎంత ఎక్కువ తిన్నాం? అనేది కూడా దీనిద్వారా తెలుసుకోవచ్చు.
ఫిగ్వీ విజువల్ ఫుడ్ డైరీ
చాలామంది తాము ఎంత తింటున్నామో తెలియకుండానే తినేస్తుంటారు. ముఖ్యంగా ఫంక్షన్లకు వెళ్లినప్పుడు, హోటల్కి వెళ్లినప్పుడు ఇలా జరుగుతుంటుంది. ఏం తింటున్నామో తెలుసు? అందులో ఎన్ని క్యాలరీలు ఉన్నాయో తెలుసు? కానీ.. ఎంత క్వాంటిటీ తింటున్నామనేదే తెలియదు. అలాంటప్పుడు ఈ యాప్ బాగా యూజ్ అవుతుంది. ఫిగ్వీ ఫుడ్ క్వాంటిటీని సరిగ్గా లెక్కగట్టి మరీ చెప్తుంది. యాప్లో దాదాపు అన్ని రకాల ఫుడ్స్ ఫొటోలు ఉంటాయి. వాటిలో మీరు తిన్నదానికి సరిపోయే ఫొటోను ఎంచుకుంటే సరిపోతుంది. అందులో సైజులు కూడా ఉంటాయి. సైజు సెలక్ట్ చేసుకున్న వెంటనే మీరు తిన్న ఫుడ్కి సంబంధించిన పోషకాహార సమాచారం (కేలరీలు, కొవ్వు, పిండి పదార్థాలు, కొలెస్ట్రాల్) అన్ని డిస్ప్లే అవుతాయి.
మెడికల్ ఐడీ
మెడికల్ ఎమర్జెన్సీ పరిస్థితుల్లో అవసరమయ్యే బెస్ట్ యాప్. ఈ యాప్ని స్క్రీన్ లాక్ని అన్లాక్ చేయకుండానే యాక్సెస్ చేయొచ్చు. యాప్లో పేషెంట్ ఆరోగ్య పరిస్థితి, మెడికల్ రికార్డ్స్ సేవ్ చేసుకోవచ్చు. అనుకోకుండా ఏదైనా మెడికల్ ఎమర్జెన్సీ వస్తే.. రోగి పరిస్థితి తెలుసుకోవడానికి డాక్టర్లకు ఇది బాగా ఉపయోగపడుతుంది. ఆండ్రాయిడ్, ఐఫోన్లలో పనిచేస్తుంది.