న్యూఢిల్లీ: ఢిల్లీ ఎయిర్పొల్యూషన్పై చర్చించేందుకు నిర్వహించిన పార్లమెంటరీ ప్యానెల్ హైలెవెల్ మీటింగ్కు పలువురు ఎంపీలు, కీలక అధికారులు డుమ్మా కొట్టారు. మొత్తం 29 మంది ఎంపీలకుగాను నలుగురు మాత్రమే హాజరు కావడంపై పార్లమెంటరీ ప్యానెల్ తీవ్ర అసంతృప్తి వ్యక్తం చేసింది. అర్బన్ డెవలప్మెంట్పై పార్లమెంటరీ స్టాండింగ్ కమిటీ మీటింగ్కు సంబంధించిన లిస్ట్లో ఢిల్లీ నుంచి మాజీ క్రికెటర్ గౌతం గంభీర్ పేరు ఒక్కటే ఉంది. దీనికిఅతడు హాజరుకాలేదు. బీజేపీ ఎంపీ హేమామాలినీ కూడా రాలేదు. ఇండోర్లో ఇండియా- బంగ్లాదేశ్ మధ్య జరుగుతున్న టెస్ట్ మ్యాచ్కు గంభీర్ కామెంటేటర్గా ఉన్నాడు. దీనిపై ఆప్ మండిపడింది. ఢిల్లీ ప్రజలు ఇబ్బందులు పడుతుంటే గంభీర్ ఇండోర్లో ఎంజాయ్ చేస్తున్నారంటూ.. తోటి క్రికెటర్లతో కలిసి గంభీర్ జిలేబీలు తింటున్న ఫొటోను ట్విట్టర్లో పోస్ట్ చేసింది. దీనిపై స్పందించిన గంభీర్ తన పనే మాట్లాడుతుందంటూ ఆప్కు కౌంటర్ ఇచ్చారు. ఈ మేరకు ట్విట్టర్లో ఓ లేఖను పోస్ట్ చేశారు. ఈ అంశంపై విచారణ జరిపి తగిన చర్యలు తీసుకుంటామని ఎన్విరాన్మెంట్ మినిస్టర్ ప్రకాశ్ జవదేకర్ చెప్పారు. ‘‘పొల్యూషన్ విషయాన్ని మేం చాలా సీరియస్ గా తీసుకుంటున్నాం. ఇది ఢిల్లీ సమస్య మాత్రమే కాదు. దీనిపై నేను జాయింట్ యాక్షన్ ప్లాన్కు ఆదేశాలిచ్చాను. టీమ్లు కోఆర్డీనేషన్తో పనిచేస్తున్నాయి”అని అన్నారు.
