గ్యాస్ ధర పెంపును నిరసిస్తూ భారత జాతీయ మహిళా సమాఖ్య ఆధ్వర్యంలో సోమవారం ట్యాంక్ బండ్ పై ప్రదర్శన నిర్వహించారు. ఈ సందర్భంగా మహిళా సమాఖ్య నాయకులు, కార్యకర్తలు కేంద్ర ప్రభుత్వానికి వ్యతిరేకంగా నినాదాలు చేశారు. అనంతరం సిలిండర్ను సాగర్ లోకి విసిరేశారు. మోడీ ప్రభుత్వం అధికారంలోకి వచ్చినప్పటి నుంచి గ్యాస్ ధరలు రెట్టింపు అవుతున్నాయని మహిళా సమాఖ్య తెలంగాణ రాష్ట్ర ప్రధాన కార్యదర్శి నేదునూరి జ్యోతి ఆవేదన వ్యక్తం చేశారు. రాష్ట్ర ఉపాధ్యక్షురాలు కె. కృష్ణ కుమారి, జె. లక్ష్మి, సహాయ కార్యదర్శి విజయ్ లక్ష్మి పండిట్, కార్యవర్గ సభ్యురాలు పాల్గొన్నారు. – ముషీరాబాద్,వెలుగు
