న్యూఢిల్లీ: దేశంలో వంట నూనెల రేట్లు దిగి రానున్నాయి. పామాయిల్పై ఇంపోర్ట్ డ్యూటీ తగ్గించడంతో దేశంలో వంట నూనెల రేట్లు కిందకి దిగుతాయని ఎనలిస్టులు అంచనా వేస్తున్నారు.నెల రోజుల డిస్కషన్స్ తర్వాత క్రూడ్ పామాయిల్పై ఇంపోర్ట్ డ్యూటీని 30.25 శాతానికి తగ్గించారు. ఇందులో బేసిక్ డ్యూటీ 10 శాతమైతే, 17.5 శాతం ఏఐడీసీ, 10 శాతం సర్ఛార్జ్. అంతకు ముందు ఈ ఇంపోర్ట్ డ్యూటీ 35.75 శాతంగా ఉండేది. ఇంపోర్ట్ డ్యూటీ తగ్గింపు నిర్ణయం జులై 1 నుంచి అమలులోకి వచ్చిందని, సెప్టెంబర్ చివరి దాకా కొనసాగనుందని ప్రభుత్వం ప్రకటించింది.
రిఫైన్డ్ పామాయిల్పై ఇంపోర్ట్ డ్యూటీని కూడా గతంలోని 49.5 శాతం నుంచి ఇప్పుడు 41.25 శాతానికి తగ్గించారు. సోయా ఆయిల్పై డ్యూటీని మాత్రం మార్చలేదు. 38.50 శాతంగానే కొనసాగిస్తున్నారు. ఈ మేరకు సెంట్రల్ బోర్డ్ ఆఫ్ ఇండైరెక్ట్ టాక్సెస్ అండ్ కస్టమ్స్ (సీబీఐసీ) నోటిఫికేషన్ జారీ చేసింది. వంట నూనెల మంటతో సతమతమవుతున్న వినియోగదారులకు రిలీఫ్ ఇవ్వడంతోపాటు, దేశంలోని రైతుల ప్రయోజనాలు కాపాడేందుకు ఇంపోర్ట్ డ్యూటీ తగ్గింపు నిర్ణయం సాయపడుతుంది. అక్టోబర్ నెల నుంచి ఆయిల్సీడ్స్ సప్లయ్ మన దేశంలో భారీగా పెరుగుతుంది. దీంతో మన ఆయిల్ సీడ్స్ రైతులకు కొంత సపోర్ట్ దొరుకుతుందనేది ప్రభుత్వ ఆలోచన.
కిందటేడాది నవంబర్లో కూడా డ్యూటీ తగ్గింపు ద్వారా దేశంలో వంట నూనెల రేట్లు కిందకి తేవాలని ప్రభుత్వం ఒకసారి ప్రయత్నించింది. కాకపోతే, గ్లోబల్గా ఆయిల్ సీడ్స్ కొరత ఉండటంతో అది ఆశించిన ఫలితాలను ఇవ్వలేదు. లా–నినాతోపాటు, కరోనా ఎఫెక్ట్ వల్లా వంట నూనెల సప్లయ్లో అడ్డంకులు ఏర్పడ్డాయి. వంట నూనెలు ఎక్కువగా ఉత్పత్తి చేసే దేశాలు అవసరానికి తగినంతగా సప్లయ్ చేయలేకపోయాయి. మన దేశం ఇంపోర్ట్ డ్యూటీ తగ్గించిన తర్వాత కిందటేడాది నవంబర్ నుంచీ మలేషియా, ఇండోనేషియా దేశాలు తమ దేశాలలో ఎక్స్పోర్ట్ డ్యూటీని పెంచేశాయి. ఈ సారి కూడా వచ్చే ఆగస్టు నుంచి ఎక్స్పోర్ట్ డ్యూటీని ఇప్పుడున్న 8 శాతం నుంచి ఇంకా పెంచినా ఆశ్చర్యపోవక్కర్లేదని ఎనలిస్టులు చెబుతున్నారు. అదే జరిగితే మన దేశంలోని వినియోగదారులకు మళ్లీ పామాయిల్ అధిక రేట్ల బెడద తప్పకపోవచ్చని అంటున్నారు.
ఇంటర్నేషనల్ మార్కెట్లో పరిస్థితులు ఇప్పుడు కొంత డిఫరెంట్గా ఉన్నాయని, గత కొన్ని నెలలుగా మలేషియాలో పామాయిల్ ప్రొడక్షన్ బాగా పెరిగిందని ఎనలిస్టులు పేర్కొంటున్నారు. ఇదే టైములో ఆ దేశం నుంచి ఎగుమతులు పెద్దగా పెరగలేదని చెబుతున్నారు. సోయాబీన్ కొత్త పంట దిగుబడులు యూఎస్, బ్రెజిల్లలో భారీగా ఉంటాయనే అంచనాలతో గ్లోబల్గా సోయా ఆయిల్ రేట్లు కూడా ఇటీవలి కాలంలో బాగా పడిపోయాయి. ఏదేమైనప్పటికీ, షార్ట్ టర్మ్లో మన దేశంలో పామాయిల్ రేట్లు కొంత మేరకు తగ్గుతాయని, పండగ సీజన్ నాటికి మళ్లీ పెరిగే సూచనలున్నాయని ఎక్స్పర్టులు వెల్లడిస్తున్నారు.
