శేరిలింగంపల్లి, వెలుగు: చందానగర్ సర్కిల్ పరిధిలో మళ్లీ స్వచ్ఛ ఆటోలు మాయమయ్యాయి. చెత్త సేకరణ కోసం అధికారులు పంపిణీ చేసిన ఆరు స్వచ్ఛ ఆటోలు కనిపించటం లేదని అధికారులు పోలీసులకు ఫిర్యాదు చేసి 10 రోజులైనా కాకముందే మరో 4 ఆటోలు మాయమవడం చర్చనీయాంశంగా మారింది. స్చచ్ఛ హైదరాబాద్లో భాగంగా కాలనీలు, బస్తీల్లో ఇంటింటికీ తిరిగి చెత్త సేకరించటం కోసం అధికారులు కొందరు లబ్ధిదారులను ఎంపిక చేసి ఆటోలు అందజేస్తున్నారు. ఇలా అందజేసిన ఆటోల్లో 6 ఆటోలు కనిపించటం లేవని ఈనెల 15న చందానగర్ సర్కిల్ ఏఎంహెచ్వో డాక్టర్ కార్తీక్ పోలీసులకు కంప్లయింట్ చేశాడు. శుక్రవారం మళ్లీ 4 ఆటోలు కనిపించకుండా పోవడంతో మరోసారి సర్కిల్ అధికారులు పోలీసులకు కంప్లయింట్ చేశారు.
