జీమెయిల్, ఫేస్బుక్ లేదా ఇతర వెబ్సైట్లలో లాగిన్ అయ్యేముందు ‘పాస్వర్డ్ సేవ్చేయమంటరా?’ ‘వద్దా?’ అని అడుగుతుంటాయి వెబ్బ్రౌజర్లు. అయితే, మళ్లీ మళ్లీ పాస్వర్డ్ టైప్ చేయడం తప్పుతుందని కొందరు సేవ్ పాస్వర్డ్ ఆప్షన్ క్లిక్ చేస్తారు. అయితే, ఇలా సేవ్ చేసిన పాస్వర్డ్స్ని ‘రెడ్లైన్ స్టీలర్’ అనే మాల్వేర్ సాయంతో హ్యాకర్లు యూజర్ల ఇన్ఫర్మేషన్ తెలుసుకుంటారని, ఉద్యోగుల లాగిన్ పాస్వర్డ్స్ ద్వారా ఆయా కంపెనీల డేటాని హ్యాక్ చేస్తారని చెప్తోంది ఒక రిపోర్టు. వర్క్ ఫ్రమ్ హోమ్ చేస్తున్న ఉద్యోగుల కంప్యూటర్, ల్యాప్టాప్లో వర్చువల్ ప్రైవేట్ నెట్వర్క్ ఇన్స్టాల్ చేసి ఉంటుంది. ఈ మాల్వేర్ విపిఎన్ సాఫ్ట్వేర్ని హ్యాక్ చేసి డేటా మొత్తాన్ని లాగేస్తుంది. వీళ్ల వెబ్బ్రౌజర్లో సేవ్చేసిన పాస్వర్డ్స్ని రెడ్లైన్ స్టీలర్ అనే మాల్వేర్ కాజేస్తుంది. ఆ పాస్వర్డ్స్సాయంతో మూడు నెలల తర్వాత వాళ్లు పనిచేస్తున్న కంపెనీ డేటా మొత్తం హ్యాకర్ల చేతుల్లోకి వెళ్తుందని అహన్ ల్యాబ్ సెక్యురిటీ ఎమర్జెన్సీ రెస్పాన్స్ సెంటర్ (ఎఎస్ఇసి) ఇచ్చిన రిపోర్ట్లో చెప్పింది. పీసీలో యాంటీవైరస్కి చిక్కకుండా డేటాని క్యాప్చర్ చేస్తుంది. వీటిని యాంటీవైరస్లు కూడా గుర్తించలేవు. డేటా చోరీ నుంచి తప్పించుకోవాలంటే వెబ్బ్రౌజర్లలో పాస్వర్డులు సేవ్ చేయకూడదు.
స్టాకర్స్కి ట్వీట్స్ కనిపించకుండా..
సోషల్ మీడియాలో యాక్టివ్గా ఉండేవాళ్లు ట్విట్టర్లో రకరకాల విషయాల మీద ట్వీట్లు, పోస్టులు పెడుతుంటారు. ఆ ట్వీట్లు అందరికీ కనిపించడంతో ఎవరైనా ఇంటరాక్ట్ అయ్యే అవకాశం ఉంటుంది. అయితే, కొన్నిసార్లు స్టాకర్స్ నుంచి వేధింపులు వస్తాయి కూడా. అదీకాకుండా కొందరు ఫొటోలను ట్యాగ్ చేస్తుంటారు. ఇలాంటి ఇబ్బందులు రాకుండా, ట్వీట్లు ఫాలోవర్లకు మాత్రమే కనిపించేలా చేసే ఫీచర్ తెచ్చింది ట్విట్టర్. ఆ ఫీచర్ కోసం సెట్టింగ్స్లో ప్రైవసీ, సేఫ్టీలోకి వెళ్లాలి. ఆడియెన్స్ అండ్ ట్యాగింగ్ ఆప్షన్ క్లిక్ చేస్తే, ‘ప్రొటెక్ట్ యువర్ ట్వీట్స్’ ఆప్షన్ కనిపిస్తుంది. ఆ ఆప్షన్ పక్కనే కనిపించే చెక్ బాక్స్ని ఒకసారి చూసుకోవాలి. అంతేకాదు ఫొటోల్లో ఎవరు ట్యాగ్ చేయొచ్చో కూడా సెలక్ట్ చేసుకునే వీలుంది.
