కేంద్ర ప్రభుత్వం తీసుకువచ్చిన నూతన అగ్రి చట్టాలకు వ్యతిరేకంగా రైతులు చేస్తున్న ఉద్యమం ఇంకా కొనసాగుతూనే ఉంది. రైతులు చేపట్టిన నిరసన దాదాపు నాలుగు నెలలు దాటింది. ఇప్పటికి ఢిల్లీ బోర్డర్లలో నిరసనలు వ్యక్తం చేస్తూనే ఉన్నారు అన్నదాతలు. అయితే ఈ నెల 26 న సంయుక్త కిసాన్‌ మోర్చా భారత్ బంద్‌కు పిలుపునిచ్చింది. రైతులు చేపట్టిన నిరసన నాలుగు నెలలు పూర్తవుతున్న సందర్భంగా బంద్ నిర్వహిస్తున్నట్లు రైతు సంఘం నేత భూటాసింగ్‌ తెలిపారు. బంద్ శాంతియుతంగానే కొనసాగుతోందన్నారు.. ఉదయం 6 గంటల నుంచి సాయంత్రం 6 గంటల వరకు బంద్ లో పాల్గొననున్నారు నిరసనకారులు.
మరోవైపు ఆంధ్రప్రదేశ్ లో అధికార YCP భారత్ బంద్‌కు మద్దతు ప్రకటించింది. విశాఖపట్నం స్టీల్ ప్లాంట్ ను ప్రైవేటీకరించాలని కేంద్రం తీసుకున్న నిర్ణయానికి వ్యతిరేకంగా పార్టీ నిరసన తెలుపుతోంది.
