- జోరుగా కాంగ్రెస్శ్రేణుల ప్రచారాలు
కోల్బెల్ట్, వెలుగు:పెద్దపల్లి ఎంపీ అభ్యర్థి గడ్డం వంశీకృష్ణను గెలిపిస్తే నిరుద్యోగులకు ఉపాధి కల్పించేందుకు కృషి చేస్తారని చెన్నూరు ఎమ్మెల్యే వివేక్ వెంకటస్వామి అన్నారు. శుక్రవారం మంచిర్యాల హైటెక్ సిటీలోని ఎమ్మెల్యే ఇంట్లో నిర్వహించిన కార్యక్రమంలో పలువురు కాంగ్రెస్ పార్టీలో చేరారు. మందమర్రి మండలానికి చెందిన కురుమ సంఘం లీడర్, బీఆర్ఎస్ రాష్ట్ర మాజీ సెక్రటరీ గుంట శ్రీశైలం, క్యాతనపల్లి మున్సిపాలిటీకి చెందిన బీఆర్ఎస్ లీడర్ గోపు రాజం తదితరులు వివేక్సమక్షంలో కాంగ్రెస్లో చేరారు.
వంశీకృష్ణ తరఫున ప్రచారాలు
మందమర్రి, క్యాతనపల్లి మున్సిపాలిటీల్లోని వార్డుల్లో వంశీకృష్ణ తరఫున కాంగ్రెస్ శ్రేణులు ఇంటింటి ప్రచారం నిర్వహించారు. మందమర్రి టౌన్ కాంగ్రెస్ ప్రెసిడెంట్నోముల ఉపేందర్ గౌడ్, క్యాతనపల్లి టౌన్, బ్లాక్ ప్రెసిడెంట్లు పల్లె రాజు, గోపతి రాజయ్య నేతృత్వంలో ప్రచారాలు చేపట్టారు. కాంగ్రెస్ఆరు గ్యారంటీలపై ప్రజలకు వివరిస్తూ వంశీకృష్ణను ఎంపీగా గెలిపించాలని కోరారు.
కాంగ్రెస్ ఇన్చార్జి కడారి జీవన్కుమార్ఆధ్వర్యంలో ప్రచారం నిర్వహించి అందుగులపేటలో ఉపాధి హామీ కూలీలకు మజ్జిగ పంపిణీ చేశారు. భీమారం మండల కాంగ్రెస్ లీడర్లు నర్సింగాపూర్లో ఉపాధి హామీ కూలీల వద్దకు చేరుకొని కాంగ్రెస్ పథకాలను వివరించారు. లీడర్లు పెద్దల రూపాబాపు, దుర్గం మల్లేశ్, పొడేటి రవి, జడ్పీటీసీ భూక్య తిరుమల లక్ష్మణ్, కాంగ్రెస్ మండల అధ్యక్షుడు మోహన్ రెడ్డి తదితరులు పాల్గొన్నారు.
