- పంజాగుట్టలో సిబ్బంది పనితీరుపై శిల్పవల్లి ‘లైవ్ టెస్ట్’
పంజాగుట్ట, వెలుగు: సాధారణంగా ఉన్నతాధికారులు అంటే ఏసీ గదులు, కాన్వాయ్లు, హుందాగా ఇచ్చే ఆదేశాలే గుర్తొస్తాయి. కానీ ఖైరతాబాద్ జోన్ డీసీపీ శిల్పావల్లి మాత్రం తన రూట్ సెపరేటని నిరూపించారు. సిబ్బంది పనితీరును స్వయంగా పరీక్షించేందుకు ఆమె ఒక సామాన్య మహిళా ఫిర్యాదుదారుగా పోలీస్ స్టేషన్కు వెళ్లి అందరినీ ఆశ్చర్యపరిచారు. గురువారం రాత్రి తన వాహనాన్ని పంజాగుట్ట పోలీస్స్టేషన్కు అర కిలోమీటర్ దూరంలో నిలిపి మఫ్టీలో స్టేషన్కు వెళ్లారు.
పేరు, ఫోన్ నంబర్ మార్చి ఫిర్యాదు ఇస్తుండడంతో ఎవరికీ అనుమానం కలగలేదు. శ్రీనగర్ కాలనీలో ఉంటానని తన సమస్యను వివరిస్తుండగా మహిళా సిబ్బంది గుర్తించి అలర్ట్ చేయడంతో అందరూ అలర్ట్ అయ్యారు. అనంతరం ఫిర్యాదుదారులతో పోలీస్స్టేషన్లో అందుతున్న సేవలు తీరును వాకబు చేశారు.
