వెలుగు బిజినెస్ డెస్క్: ఆర్టిఫిషియల్ ఇంటెలిజెన్స్ (ఏఐ) రాక వల్ల క్లరికల్– వైట్ కాలర్ జాబ్స్కు ముప్పు వాటిల్ల వచ్చని ఐబీఎం సీఈఓ అరవింద్ కృష్ణ చెప్పారు. ఏఐ ఆధారంగా పనిచేసే చాట్ జీపీటీ మార్కెట్లో చాలా పెద్ద మార్పులనే తీసుకొస్తోందని పేర్కొన్నారు. కస్టమర్ సర్వీస్, హెచ్ఆర్, ఫైనాన్స్, హెల్త్కేర్ వంటి జాబ్స్లో ఈ కొత్త టెక్నాలజీ వల్ల ఆటోమేషన్ పెరుగుతుందని అన్నారు. గ్లోబల్గా ఉన్న లేబర్ షార్టేజ్ ప్రాబ్లమ్ను ఏఐ పరిష్కరిస్తుందని, లేబర్ కొరతకి కారణం డెమొగ్రఫిక్ ఇష్యూనేనని అరవింద్ కృష్ణ తెలిపారు.
అమెరికాలో అన్ఎంప్లాయ్మెంట్ రేటు 3.4 శాతం దాకా ఉందని, 60 ఏళ్లలో ఇదే తక్కువని ఆయన గుర్తు చేశారు. హెల్త్కేర్, ఫైనాన్స్ రంగాలలో ముఖ్యంగా రెగ్యులేటరీ సంబంధిత జాబ్స్ను ఏఐ రీప్లేస్ చేసే సూచనలు కనిపిస్తున్నాయని చెప్పారు. మెక్డొనాల్డ్స్ డ్రైవ్–థ్రూ లేన్స్ను ఆటోమేట్ చేసే ప్రాజెక్టులో ఐబీఎం 2021 లో భాగస్వామిగా ఉంది. గ్రాండ్ మాస్టర్ గ్యారీ కాస్పరోవ్ను 1997 లో ఓడించిన డీప్బ్లూ సూపర్ కంప్యూటర్ డెవలప్మెంట్లోనూ ఉంది.
