యాదాద్రి, వెలుగు: ఆశ వర్కర్ కరోనా వ్యాక్సిన్ ఇవ్వడంతో జిల్లా వైద్యాధికారితో పాటు మండల వైద్యాధికారికి షోకాజ్నోటీసులు అందాయి. యాదాద్రి జిల్లా తుర్కపల్లి మండలం ధర్మారంలో ఆశా వర్కర్.. ఇటీవల ఓ యువకుడికి కరోనా వ్యాక్సిన్ వేసింది. వ్యాక్సిన్ వేస్తుండగా తీసిన ఫోటోలు వైద్య ఆరోగ్యశాఖ ఉన్నతాధికారుల చేతికి అందాయి. దీంతో సీరియస్ అయిన ఆఫీసర్లు యాదాద్రి జిల్లా డీఎంహెచ్వో సాంబశివరావును వివరణ కోరడంతో పాటు నోటీసులు ఇచ్చినట్టు తెలిసింది. దీంతో తుర్కపల్లి పీహెచ్సీ వైద్యాధికారి చంద్రారెడ్డి, ఇతర స్టాఫ్పై డీఎంహెచ్వో సాంబశివరావు సీరియస్ అయ్యారు. ఆశ వర్కర్తో ఎలా వ్యాక్సిన్ ఇప్పిస్తారని నిలదీశారు. డ్యూటీని నిర్లక్ష్యం చేసినందుకు వైద్యాధికారితో పాటు స్టాఫ్కు షోకాజ్ నోటీసులు జారీ చేశారు.
