హైదరాబాద్: ముషీరాబాద్ పోలీస్ స్టేషన్ పరిధిలోని దాయరా మార్కెట్ లో ఉన్న “డ్రీం వరల్డ్ వీడియో గేమ్” సెంటర్ పై సెంట్రల్ జోన్ టాస్క్ ఫోర్స్ పోలీసులు దాడి చేశారు. కొవిడ్‌-19 నిబంధనలకు విరుద్ధంగా ఈ వీడియో గేమ్ సెంటర్ నిర్వ‌హిస్తున్నార‌న్న స‌మాచారంతో త‌నిఖీలు నిర్వ‌హించారు. ఈ త‌నిఖీల్లో గేమ్ సెంటర్ యజమాని సయ్యద్ మొయినుద్దీన్ (38)తో పాటు మ‌రో 18 మంది ఆటగాళ్ళను అదుపులో తీసుకున్నారు. యజమాని నుంచి రూ. 9555 న‌గ‌దుతో పాటు , 5 టీవీలు, 3 ప్లేయింగ్ స్టేషన్లు , 3 జాయ్ స్టిక్స్ / కంట్రోలర్, 6 మెమరీ కార్డులు, 13 సెల్ ఫోన్లు, ఒక భారత్‌పే క్యూఆర్ కోడ్ స్కానర్ ను స్వాధీనం చేసుకున్నారు. త‌దుప‌రి విచార‌ణ నిమిత్తం వారంద‌ర్నీ ముషీరాబాద్ పోలీసులకు అప్పగించారు.
