గౌతమ్ గంభీర్ తన కుమార్తెల కాళ్లు కడగడంపై నెటిజన్లు ఫిదా అవుతున్నారు. గంభీర్ 2018లో క్రికెట్ లో అన్నీ ఫార్మట్లకు వీడ్కోలు పలికి బీజేపీలో చేరారు. ఆ తరువాత జరిగిన ఎన్నికల్లో తూర్పు ఢిల్లీ ఎంపీగా విజయం సాధించారు. ఓ వైపు ఎంపీ గా బాధ్యతలు నిర్వహిస్తూ కుటుంబంతో ఎంజాయ్ చేస్తున్నారు. దసరా పండుగ పర్వదినం సందర్భంగా నిర్వహించే అష్టమి కంజక్ ఆచారాన్ని పాటించిన గంభీర్ తన కుమార్తెల కాళ్లు కడిగారు. ఆ ఫోటోలను సోషల్ మీడియాలో చేసి..తాను చేసిన ఈ సర్వీస్ కు బిల్లు ఎక్కడి పంపాలంటూ తన భార్య నటాషాను ఉద్దేశించి ట్వీట్ చేశారు. గంభీర్ ట్వీట్లపై నెటిజన్లు ఫిదా అవుతున్నారు. కుమార్తెలపై తల్లిదండ్రుల ప్రేమ మరువలేనిదంటూ కామెంట్లు చేస్తున్నారు.
