న్యూఢిల్లీ: ప్రభుత్వ నిధులను మిస్యూజ్ చేసినట్లు తేలడంతో ఆస్ట్రియాలోని ఇండియన్ ఎంబాసిడర్ రేణు పాల్పై ఎక్స్టర్నల్ అఫైర్స్ మినిస్ట్రీ చర్యలు తీసుకుంది. ఆమెను ఢిల్లీలోని విదేశాంగశాఖ హెడ్ఆఫీస్కు ట్రాన్స్‌ ఫర్ చేస్తూ.. అడ్మినిస్ట్రేటివ్, ఫైనాన్షియల్ పవర్స్ పై ఆంక్షలు విధించింది. పర్మిషన్ లేకుండా ఆస్ట్రియాలో గవర్నమెంట్ రెసిడెన్సీ కోసం కోట్లాది రూపాయలను ఖర్చుచేసినట్లు సెంట్రల్ విజిలెన్స్ కమిషన్ ఎంక్వైరీలో తేలడంతో ఈ చర్యలు తీసుకున్నట్లు అధికార వర్గాలు తెలిపాయి.
ఫేక్ సర్టిఫికెట్లతో వ్యాట్ రికవరీ
ఆస్ట్రియాలో ఇండియన్ అంబాసిడర్ గా పనిచేస్తున్న 1988 బ్యాచ్ ఇండియన్ ఫారిన్ సర్వీస్ ఆఫీసర్ రేణు పాల్ ప్రభుత్వ నిధులు విచ్చలవిడిగా ఖర్చు చేస్తున్నట్లు ఆరోపణలు రావడంతో చీఫ్ విజిలెన్స్ ఆఫీసర్ ఆధ్వర్యంలోని ఓ బృందం గత సెప్టెంబర్ లో ఆస్ట్రియాలో దర్యాప్తు జరిపి, రిపోర్టును సీవీసీకి అందజేసింది. మినిస్ట్రీ పర్మిషన్ ఉన్నట్లు ఫేక్ పేపర్లు చూపించి పెద్దమొత్తంలో వ్యాట్ రీఫండ్ చేసుకున్నారని, అనుమతులు లేకుండానే ప్రభుత్వ రెసిడెన్సీ రెంట్కు నెలకు రూ.15 లక్షలు చొప్పున ఖర్చు చేశారని రిపోర్టులో వెల్లడైంది. దీంతో మరో నెలలో రిటైర్ కానున్న రేణుపాల్ను ఢిల్లీకి రావాలని కేంద్ర ప్రభుత్వం ఆదేశించినట్లు అధికారులు తెలిపారు.
